Zaburey 27:3 - Songhai de Gao Bible

³ Ba nda wongu jama na ngi kaloo sinji kʼay wongu, ay binoo si hunbur, ba nda wongu tun ya ne, ay lakkaloo ga kani.

Zaburey 27:3 ပူးပေါင်းရင်းမြစ်များ

Taarikey 2to 20:15

Yahaziyel nee: «Žuda borey kul, nda Žerizalem borey, nda ni, kokoyoo Žozafat, war ma haŋajer. Hayaa ne kaŋ Abadantaa nʼa har, Abadantaa nee: ‹War masi hunbur, war masi jijiri alžamaa beeroo woo jine, zama manʼti war wongoo no, Abadantaa wongoo no.

Ayuba 4:6

Ni Irkoy hunburaa si tee ni naanaa wala? Ni laadirtaraa si tee ni naataa wala?

Zaburey 112:7

A si hunbur alhabar futu, binoo ga kani, nga naanaa goo Abadantaa ra.

Zaburey 3:6

Ay kani, ay jirbi. Ay ga tun, zama Abadantaa gʼay faaba.

Zaburey 3:7

Ay si hunbur boro zenber-zenberey kaŋ gʼay kuubi kʼay bere kʼay wanga kʼay daŋ game.

Zaburey 52:6

Halaci šenni de no ma kan ma ne, deene zanbantaa!

Filipi borey batagaa 1:28

War masi naŋ war nkuwawey ma war tarbasandi haya kul ra. Woo ga tee ngi dereroo tammaasaa, amma war, a ga tee war hallasiroo tammaasaa Irkoy albarkaa ra.

Piyer bataga 1na 3:14

Koyne mo ba nda war ga zarabi šerretaray sabbu se, war duu gomni, war masi hunbur ey, war lakkaley masi ɲaami.

Bangandiroo 2:10

Masi hunbur hayaa kaŋ ga kaa ka ni zarabi. War borey ra, Ibilisi ga hayayaŋ warra kasaa ra ka war sii. War ga duu zarabiyan jirbi woy (10). Laadir hala buuyan ga, ay ga ni noo hunayan fuulaa.”›

Samiyel 1na 19:8

Wongoo yee ka šintin. Dawda fatta ka Filisti borey tangam, a nʼi kar karyan laala hala nongu kaŋ ra i mma zuru a jine.