Zaburey 24:4 - Songhai de Gao Bible

⁴ Kala a ma tee boro kaŋ kabey ga henan, binoo ga kaaray, a si nga hundoo noo taari se, de mo a si žee ka darga.

Zaburey 24:4 ပူးပေါင်းရင်းမြစ်များ

Šintinoo 6:5

Abadantaa dii kaŋ nbunadam borolaalataraa hanse ka boobo laboo ra, de mo zaaroo kul nga binoo miilewey manʼti kala ifutu.

Ayuba 17:9

Boro laadirantaa ga durkutu ka cindi nga fondaa ga, boro kabe henanantey gaaboo ga tonton.

Ayuba 9:30

Ba nda ay ɲumay neeži hari ra, ba nda ay nʼay kabey ɲumay soso ra,

Zaburey 143:8

Naŋ ya maa za subbaahoo ra ni borohennataraa. Zama ay nʼay naanaa daŋ ni ra. Fondaa cebe ya ne kaŋ ra ay ga hima ka dira. Zama ay gʼay binoo bere ni here.

Zaburey 15:4

A si baa boro kaŋ Irkoy nʼa fur, a ga borey beerandi kaŋ ga hunbur Abadantaa, ba nda a žee haya ga kaŋ si boori a se, a gʼa tee.

Zaburey 18:20

A nʼay kaa ifutu ra kʼay feeri, a nʼay hallasi, zama ay ga kan a se.

Zaburey 25:1

Woo ti Dawda zabur foo. Abadantaa, ay gʼay binoo manandi ni.

Zaburey 26:6

Ay gʼay kabey ɲumay kʼay henanyanoo cebe, ay ga ni sargari tonadogoo kuubi kʼa bere, Abadantaa,

Zaburey 51:10

Ay mandi binekaanay nda ɲaali, woo ra birey kaŋ nʼnʼi kayri ga yafarhã.

Zaburey 51:12

Ya Irkoy, bine henanante taka ay ra, ay hundoo taagandi kʼa tabatandi ay ra.

Zaburey 73:1

Woo ti Asaf zabur foo. Cimi no, Irkoy ga boori Izirayel se, a ga boori borey se kaŋ biney ga henan.

Yaasawey 20:9

May no ma nee: «Ay nʼay binoo henanandi, zunubu kul sii ay ga?»

Matiyu 5:8

Borey duu gomni kaŋ biney ga henan, zama ngi, i ga kaa ka dii Irkoy.

Teegoyey 14:15

ka nee: «Arey, cin se war ga hayey wey tee? Ir mo manʼti kala war cine adamizeyaŋ, ir ga Alhabar Boryaa bayrandi war se, wa mooru haya yaadawey wey ga ka bere Irkoy hunantaa here kaŋ na beenaa, nda laboo, nda teekoo, nda haya kul kaŋ goo i ra tee.

Teegoyey 15:9

A mana fay-fayyan kul daŋ ir nda i game. A na biney henanandi naanaa albarkaa ra.

Korent borey bataga 2to 7:1

Ay baakey, allaahidey wey kaŋ ir duu ey maaganda se, ir mʼir boŋ henanandi ka kaaray ka hun gaaham nda hundi žiibi dumi kul ga. Ir ma henanyan timmante tee Irkoy hunburaa ra.

Alhukumoo 4:19

Masi ni moɲey jer beene ka waynaa guna, wala handoo, wala handarawey, wala haya kul kaŋ goo beenaa ra. Masi naŋ ma sujudu i se kʼi gana, hayey wey, Abadantaa, ni Koyoo nkʼi noo dumey kul kaŋ goo nongu kul kaŋ no aduɲɲa ra.

Timote bataga 1na 1:10

nda borey kaŋ ga woy nda aru izefututaray tee, nda arey kaŋ ga marga nda arey, nda borey kaŋ ga borey haamay, nda taariharkey, nda taarižeekey, nda haya kaŋ si koy cawyan cimoo bande.

Timote bataga 1na 2:8

Adiši ay ga baa arey ma Irkoy ŋaaray nongu kul ra ka ngi kabe henanantey jer bila futay bila kakaw.

Žak batagaa 4:8

Wa man Irkoy, a ga man war. Zunubantey, wa war kabey ɲumay, lakkal hinka-hinkakoyney, wa war biney henanandi.

Bangandiroo 21:27

Žiibi kul si huru no din wala boro kaŋ ga haya harramante wala taari tee. Borey hinne kaŋ maaɲey hantumandi Feeji-izoo hunaroo citaaboo ra no ma huru no din.