Zaburey 17:3 - Songhai de Gao Bible

³ Nʼnʼay binoo guna, nʼnʼa bere-bere cijin here, nʼnʼay sii, mana dii haya kul. Ay šenney mana fay nda ay miilewey.

Zaburey 17:3 ပူးပေါင်းရင်းမြစ်များ

Taarikey 1na 28:9

Haya kaŋ ti ni, ay izʼaroo Sulaymaana, nʼga hima ka ni baabaa Koyoo bay ka boori, mʼa gana nda ni binoo kul nda anniya henna, zama Abadantaa ga borey kul biney neeši, haya kul kaŋ goo boro lakkaloo ra, a gʼa bay. Nda nʼnʼa ceeci, a ga naŋ ma duu nga, amma nda nʼnʼa naŋ, nga mo ga wanji ni ga hala abada.

Taarikey 1na 29:17

Ay Koyoo, ay ga bay kaŋ ni no ma boro binoo neeši, de mo bine šerrante no ma kan ma ne. Woo maaganda se ay na hayaa woo kul noo ma ne nda ay boŋ nda bine šerrante, agay mo ga ɲaali sohõ kaŋ ay ga dii ni jamaa kaŋ goo ne mo ga ngi kabehayaa noo nda ngi boŋ.

Ayuba 23:10

Ka gar, a ga fondaa bay kaŋ ga ay goo, nda a nʼay sii, ay ga henan sanda wura.

Ayuba 24:14

Boro wiikaw ga tun waati kaŋ gaayoo bangay, a ga talkaa nda alfukaaroo wii. Cijin here a ga hima nda zay.

Zaburey 11:5

Abadantaa ga boro šerrantaa sii, amma a ga konna ilaalaa kaŋ ga baa goy futu.

Zaburey 119:106

Ay žee, ay gʼa too, ay ga ni šerretaraa hantumey kaŋ kayandi dii.

Zaburey 139:1

Donkey boŋkoynoo ka woo don. Woo ti Dawda zabur foo. Abadantaa, nʼnʼay laasaabu, nʼgʼay bay.

Zaburey 139:23

Ya Irkoy, ay laasaabu ka dii ay binoo. Ay sii, hala ma dii ay lakkaloo.

Zaburey 16:7

Ay ga albarka tee Abadantaa se kaŋ gʼay hoyray, ba cijin here ay binoo ga šelaŋ ya ne.

Zaburey 26:2

Abadantaa, ay tayni, ay sii, ay gundoo hayey nda ay binoo hayey kul guna ka boori,

Zaburey 39:1

Donkey boŋkoynoo nda Yedutun ka woo don. Woo ti Dawda zabur foo.

Zaburey 66:10

Irkoy, nʼnʼir guna ka dii, nʼnʼir sii sanda takaa kaŋ nda nzorfu kaaray ga siyandi.

Zaburey 7:4

Abadantaa, ay Koyoo, nda ay na hayaa tee kaŋ i gʼa har, nda ay kabey na goy futu tee,

Yaasawey 13:3

Boro kaŋ ga hin nga miɲoo ga hin nga boŋ, boro kaŋ ga hanse ka nga miɲoo feeri ga nga boŋ halaci.

Teegoyey 11:23

Kaŋ a too, a dii Irkoy anneemaa, a ɲaali, a nʼi kul hoyray i ma denji ir Koyoo ga nda ngi binoo kul.

Teegoyey 16:9

Pol dii cijinoo ra bangayyan kaŋ ra Masedoni gandaa aru foo ga kay ka nga ŋaaray ka nee: «Bisa ka kaa Masedoni kʼir faaba.»

Korent borey bataga 1na 4:4

zama ay binoo sʼay gurzugay, amma hayaa woo ra, manʼti ya nka tee boro šerrante, boraa kaŋ gʼay ciiti manʼti kala ir Koyoo.

Korent borey bataga 2to 1:12

Hayaa kaŋ nda ir ga fooma manʼti kala: ir biney ga tee seede nda takaa kaŋ nda ir dira aduɲɲa ra, waaniwaani war jine, a teendi nda taka sasawante nda henanyan kaŋ hun Irkoy do, a mana teendi nda adamize lakkal, amma Irkoy anneemaa nda a teendi.

Žak batagaa 3:2

zama cee booboyaŋ ir kul ga kaŋ. Boro kaŋ si dere nga šennoo ra manʼti kala boro kaŋ tee ka timme. A goo nda mo nga gaahamoo kul se hini.

Piyer bataga 1na 1:7

hala war naanaa kaŋ ga siyandi ma duu saabuyan, nda darža, nda beeray Isa Almasihu bangayroo ga. War naanaa bisa wura kaŋ ga dere kaŋ a ga siyandi nuune ra.

Samiyel 1na 24:10

Dawda nee Sawul se: «Macin se nʼga haŋajer borey šenney se kaŋ ga nee: ‹Dawda mma baa nga ma ni bonandi?›

Samiyel 1na 24:12

Guna, ay baabaa, ni burmusoo miɲoo guna ay kaboo ra. Ay na ni burmusoo miɲoo dunbu, ay mana ni wii. Nʼga dii kaŋ anniya futu sii ay do, tureyan sii ay do, ay mana duu ni ga zunubu. Amma ni, nʼgʼay hundoo ceeci kʼa kaa.

Samiyel 1na 26:11

Yala Abadantaa mʼay waa ay kaboo ma too Abadantaa suubantaa kaŋ yonandi do. Sohõ ay gʼa wiri ni ga, yaajoo zaa kaŋ goo boŋoo jere nda hooboo, ir ma koy.»

Samiyel 1na 26:23

Abadantaa ga boro foo kul bana nda nga šerretaraa nda nga laadirtaraa, zama hõ Abadantaa nka ni daŋ ay kaboo ra, amma ya na baa ay kaboo ma too Abadantaa suubantaa kaŋ yonandi do.