Zaburey 15:4 - Songhai de Gao Bible

⁴ A si baa boro kaŋ Irkoy nʼa fur, a ga borey beerandi kaŋ ga hunbur Abadantaa, ba nda a žee haya ga kaŋ si boori a se, a gʼa tee.

Zaburey 15:4 ပူးပေါင်းရင်းမြစ်များ

Taarikey 2to 36:13

A ture ba kokoyoo Nebukanezar ga kaŋ nʼa žeendi Irkoy maaɲoo ga. A na boŋšenday, a na nga binoo šendandi, a mana yadda ka willi Abadantaa, Izirayel Koyoo ga.

Ester 3:2

Kokoyoo borey kul kaŋ goo kokoyoo hugoo miɲoo ga gunguma ka sonbu Haman jine, zama yaamar no kaŋ kokoyoo nʼa noo. Amma Mardoše mana gunguma ka sonbu.

Zaburey 101:4

Bine šiira ga mooru ay ga, ay si ifutu bay.

Zaburey 101:6

Ay ga lakkal daŋ gandaa boro laadirantey se hala i ma goro ay jere, boro kaŋ ga dira fondo šerrante ga, nga no ma goy ya ne.

Zaburey 119:63

Ay manʼti kala borey kul kaŋ ga hunbur ni ceroo nda borey kaŋ ga hayey dii kaŋ nʼnʼi har.

Zaburey 16:3

Irkoy boro henanantey kaŋ goo gandaa ra, ngi ti boro alkadarantey, ngi ti ay ɲaaloo.

Matiyu 5:33

«War maa koyne kaŋ a harandi boro jinawey se ka nee: ‹Masi žee taari ga, amma meefurey kaŋ nʼnʼi zaa ni Koyoo maaɲoo ga, mʼi kaa.›

Teegoyey 24:25

Amma kaŋ Pol goo ma šelaŋ šerretaray ga, nda boŋdiiyan, nda ciitoo kaŋ goo kaa ga, Feliks hunbur, a zaabi ka nee: «Sohõ koy, waati kaŋ ay duu ay boŋ henna, ay ga ciya ma ne.»

Teegoyey 28:10

I hanse kʼir beerandi mo, waatoo kaŋ ir ga koy i nʼir noo hayayaŋ ir almušakkawey se.

Yehiya bataga 1na 3:14

Ir, ir ga bay kaŋ ir hun buuyan ra ka koy hunayan ra, zama ir ga baa ir armey. Boro kaŋ si baa nga armaa cindi buuyan ra.

Alkaaley 11:35

Za a dii a, nga no, a na nga bankaarawey kottu ka nee: «He! Kaari, ay ize woyoo, ni no ma kate ay ga bone. Agay ka hanse ka šelaŋ Abadantaa se, ay si hin ka yee ay šennoo se banda.»