Zaburey 148:8 - Songhai de Gao Bible

⁸ nda nuune, nda gari, nda neeži, nda duula zunbante, nda hew beeri kaŋ ga nga yaamaroo tee,

Zaburey 148:8 ပူးပေါင်းရင်းမြစ်များ

Šintinoo 19:24

Abadantaa na ganjibaali nda nuune tee ncirɲi kʼa zumandi Sodom nda Gomor boŋ. Hayaa woo mana hun kala Abadantaa do beenaa ra.

Ayuba 37:12

Nga no mʼi bere-bere nongoo kul here, hala i ma haya tee kaŋ nga baa, maanaa haya kul kaŋ nga nʼa yaamar aduɲɲa ra laboo ga.

Zaburey 103:20

Abadantaa almalaykey, wa albarka daŋ a se, war kaŋ ti wongaari gaabanteyaŋ, war ga nga šennoo ka goy, ka haŋajer šennoo se kaŋ a nʼa har.

Zaburey 18:12

A na kubaa tee nongoo kaŋ ra a ga tugu, a tee a se tende, a nʼa tee hari kubayanteyaŋ nda duula komanteyaŋ.

Fattaroo 10:13

Musa na nga goboo šerre Misira gandaa ga, Abadantaa na dandi hew tunandi kaŋ na gandaa kul dii zaaroo kul nda cijinoo kul. Subbaahoo ra, dandi hewoo kate ndoowey.

Fattaroo 10:19

Abadantaa na hewoo bere kʼa tee dangay hew beeri kaŋ na ndoowey zaa kʼi warra Kakaarey teekoo ra. Ba affoo mana cindi Misira laamaa kul ga.

Fattaroo 14:21

Musa na nga kaboo šerre teekoo ga, Abadantaa na dandi hew beeri foo tunandi cijinoo kul ka teekoo kogandi, haroo fersi.

Sargarey 10:2

Nuune hun Abadantaa do, a nʼi halaci, i buu Abadantaa jine.

Yunusa 1:4

Amma nga naarumaa ra Abadantaa na hew beeri foo tunandi teekoo boŋ kaŋyaŋ hanse ka harihiyoo zinji-zinji hala ni mma nee a mma fay ka hun cere ga,

Yunusa 1:5

woo maaganda se harihiyoo dirandikey hanse ka hunbur. De affoo kul šintin ka nga koyoo kaŋ a gʼa gana ŋaaray. I yee ka jinawey kul fur haroo ra, hala hiyoo ma felaw. Woo kul kaa ka gar Yunusa zunbu harihiyoo koroo ra ka hunanzam. Hunanzamoo ra jirbi komante nʼa zaa.

Kabuyaney 16:35

Nuune hun Abadantaa do ka aru zangu hinka nda woyguwaa (250) ton kʼi tee boosu kaŋ goo ma dugoo sarga.

Žozuwe 10:11

Kaŋ i ga zuru Izirayel se, Bet-Horoŋ nongoo kaŋ goo ganda ra, Abadantaa na gari kaŋ ga hima nda tondi beeriyaŋ warra i boŋ kaŋ hun beenaa ra hala Azeka, i buu. Borey kaŋ gari tondey nʼi wii bisa wey kaŋ Izirayel borey nʼi wii nda takuba.

Bangandiroo 16:21

Gari beeriyaŋ kaŋ affoo kul ga too kilo woytaaci cindi guu (45) cine tiŋyan hun beenaa ra ka kaŋ adamizey boŋ, adamizey ga Irkoy wow garey bonaa se, zama bonaa ga hanse ka beeri.