Zaburey 148:4 - Songhai de Gao Bible

⁴ Beenawey nda ngi beeriyanoo kul, wʼa saabu! Harey kaŋ goo beenaa se beene, wʼa saabu!

Zaburey 148:4 ပူးပေါင်းရင်းမြစ်များ

Šintinoo 1:6

Irkoy nee koyne: «Farru beeri ma tee haroo ra kaŋ ga haroo fay ihinka!»

Šintinoo 1:7

Irkoy na farroo tee. A na farroo tee ka beene haroo nda ganda haroo fay. Woo kaŋ a nʼa har tee.

Šintinoo 7:11

Nuhu jiiri zangu idduwantoo (600to) ra, handu hinkantoo jirbi woy cindi iyyantoo (17to) ga, hanoo din, laboo cire guusu beeroo miɲey kul bagu nda hari, beenaa mo miɲey feeri.

Kokoyey 1na 8:27

Amma nda cimi, Irkoy ga kaa ka goro laboo ga wala? Beenawey nda ngi beeriyanoo kul si hin ka ni zaa, soko hugoo woo kaŋ ay nʼa cin.

Taarikey 2to 2:5

Amma may bara nda hini ka hugu cin a se, zama beenawey nda ngi beeriyanoo kul si hin kʼa zaa? Adiši agay ti may ka hugu cin a se, nda manʼti ka dugu dullandi a jine?

Nehemi 9:6

Ni hinne ti Abadantaa. Ni ka beenaa tee, ka beenaa beenaa nda nga hayey kul kaŋ goo a ra, nda laboo nda haya kul kaŋ goo a boŋ, teekowey nda haya kul kaŋ goo i ra tee. Ni no ka hundi daŋ wey kul ra, haya kul kaŋ goo beenaa ra ga sujudu ma ne.

Zaburey 104:3

A ga nga hugu-izey cin sooraa ga harey boŋ, a ga duulawey tee nga torkaa, hewoo fatawey no ma kʼa dira.

Zaburey 113:6

A ga gunguma ka beenaa nda laboo guna.

Zaburey 68:33

Laboo kokoy laamawey, wa don Irkoy se, wa ir Koyoo saabu nda zaburyaŋ. Kay-kayna

Zaburey 69:35

Yala beenaa nda laboo mʼa saabu, teekowey nda haya kul kaŋ ga ɲuuti i ra mʼa saabu!

Korent borey bataga 2to 12:2

Ay ga Almasihu ganakaw foo bay kaŋ zandi ka koy hala beene hinzantoo ra, a ga too jiiri woy cindi taaci (14). Nda nga azzaatoo no ka koy wala manʼti nga azzaatoo no, ay si bay, Irkoy no ma bay.

Alhukumoo 10:14

Nga ne, Abadantaa, ni Koyoo wane nda beenawey nda ngi beeriyanoo kul, nda gandaa nda haya kul kaŋ goo a ra.