Zaburey 146:9 - Songhai de Gao Bible

⁹ Abadantaa ga yawey hawgay, a ga alyatimoo nda woyoo kaŋ kurɲoo buu faaba, amma a ga boro laala dabarey hasara.

Zaburey 146:9 ပူးပေါင်းရင်းမြစ်များ

Samiyel 2to 15:31

Boro kaa ka nee Dawda se: «Ahitofel goo borey ra kaŋ hanga Absalom ka hawandifutaa tee.» Dawda nee: «Abadantaa, ay gʼa ŋaaray ni ga, ma Ahitofel hoyraa tee šenni kaŋ sii nda addalil.»

Samiyel 2to 17:23

Kaŋ Ahitofel dii kaŋ nga hoyraa mana teendi, a na nga farkaa soolu ka koy nga hugoo do nga koyraa ra. A na nga šenni kokorantey har nga hugoo borey se, a na nga boŋ deeji ka buu. Takaa woo nda a buu, i nʼa sutura nga baabaa saaraa ra.

Ester 5:14

Nga wandoo Zereš nda nga cerey kul nee a se kaŋ hayaa kaŋ a ga hima kʼa tee manʼti kala ka bundu kuku kaŋ goo nda kabe daaru woyguu (50) tee, de suba a ma nee kokoyoo se kaŋ a ma Mardoše deeji bundoo ga. Woo ga, a ma koy nda ɲaali hoyandoo dogoo ra. Šennoo woo kan Haman se. A na bundoo tee.

Ester 7:10

I na Haman deeji bundoo ga kaŋ a nʼa hanse Mardoše se. Woo ra kokoyoo futayyanoo zunbu.

Ester 9:25

Amma waatoo kaŋ šennoo too kokoyoo do, a hantum ka nee kaŋ hawandifutaa kaŋ a nʼa kayandi Alyahuudey se ma zunbu a boŋ! I nʼa deeji bundu kukoo ga, nga nda nga izʼarey.

Zaburey 10:14

Ni hunday dii binemarayyanoo nda šiitaroo, nʼga guna ka huga nda takaa, ni ga talkaa ga talfi, ni no ma alyatimoo faaba.

Zaburey 145:20

Abadantaa ga borey kul hawgay kaŋ ga bagʼa, a ga boro laaley halaci.

Zaburey 147:6

Abadantaa ga talkey faaba, a ga boro laaley yeeti ganda.

Zaburey 18:26

Boro kaŋ ga laadir, nʼga goy a se nda laadirtaray, boro kaŋ binoo ti affoo, nʼga goy a se nda bine foo.

Zaburey 68:5

Wa don Irkoy se, wa zaburyaŋ tee nga maaɲoo se! Wa fondaa feeri boraa se kaŋ ga kaaru duulawey ga! Nga maaɲoo manʼti kala Abadantaa, wa yafarhã a jine.

Yaasawey 15:25

Abadantaa ga hundi beerey hugey kayri, a ga woyoo kaŋ kurɲoo buu nongoo hawgay.

Yaasawey 4:19

Boro laaley fondaa ga hima nda kubaa, i si hayaa bay kaŋ ga ngi kaŋandi.

Korent borey bataga 1na 3:19

Zama aduɲɲa lakkaloo manʼti kala hollokomtaray Irkoy do. A nka hantumandi Citaaboo ra ka nee: «Nga no ma lakkalkoyney dii ngi carmaa ra.»

Alhukumoo 16:11

Ma ɲaali Abadantaa, ni Koyoo jine nongoo ra kaŋ a nʼa suuba ka nga maaɲoo gorandi a ra, ni, nda ni izʼaroo, nda ni ize woyoo, nda ni baɲɲaa, nda ni koŋŋaa, nda Lewi boraa kaŋ goo ni koyrawey ra, nda taabušoo, nda alyatimoo, nda woyoo kaŋ kurɲoo buu kaŋyaŋ goo ni bande.

Žak batagaa 1:27

Addinaa kaŋ ra žiibi sii, a ga henan Irkoy ir Baabaa jine ti: ma alyatimey nda woyey kaŋ kurɲey buu gaakasinay ngi fararoo ra, ma ni boŋ dii aduɲɲa žiiboo ga.