Zaburey 141:4 - Songhai de Gao Bible

⁴ Masi naŋ ay binoo ma šiiri ka koy haya laala here. Ya sʼay boŋ noo dabari laalayaŋ se boroyaŋ bande kaŋ ga šerretaray jaŋay tee. Yala ya si ngi hoyandi ŋaayaney taba!

Zaburey 141:4 ပူးပေါင်းရင်းမြစ်များ

Matiyu 6:13

Masi naŋ ir ma siyandi ka kaŋ zunubu ra, amma ir hallasi boro laalaa ra kaŋ ti Ibilisi.›

Zaburey 119:36

Ay binoo hangandi ni seedetarawey bande, a masi hanga alman bande.

Korent borey bataga 2to 6:17

Woo maaganda se «wa fatta i game ka fay nda ey.» Ir Koyoo nʼa har. «War masi tuku haya žiibi ga, de agay, ay ga yadda war ga.»

Korent borey bataga 1na 15:33

War masi war boŋ darga: cere futu ga boro bere.

Kokoyey 1na 8:58

A mʼir biney ka koy nga here hala ir ma nga fondawey kul gana, ir ma nga yaamarey, nda nga hantumey, nda nga hantumey kaŋ kayandi dii kaŋ nda a nʼir baabey yaamar.

Žak batagaa 1:13

Boro kul kaŋ no, waati kaŋ a siyandi, a masi nee: «Irkoy kʼay sii ya ifutu tee», zama ifutu si hin ka Irkoy sii, nga mo si boro kul sii a ma ifutu tee.

Korent borey bataga 1na 10:31

Woo se, a ma tee war mma ŋaa, wala war mma haŋ, wala haya kul kaŋ war goo mʼa tee, wʼa tee ka Irkoy beerandi.

Bangandiroo 18:4

Ay maa jinde tana kaŋ hun beenaa ra, a nee: «Ay jamaa, wa fatta a ra hala war masi hanga a bande nga zunubey ra, hala nga bonawey ra, haya masi kaŋ war boŋ.

Alhukumoo 29:4

Ay na war gongu saajoo ra jiiri woytaaci (40), war bankaarawey mana žen war jindey ra, war taamey mana žen war cewey ra.

Kokoyey 1na 22:22

A nee: ‹Ay ga fatta ka tee hundi kaŋ ga taari daŋ nga annabey kul miɲey ra.› Abadantaa nee: ‹Šikka sii a ra, nʼgʼa fafagay, nʼga hin, fatta ka koy a tee.›»

Alhukumoo 2:30

Amma Sihoŋ, Hešboŋ kokoyoo mana yadda ir ma bisa nda nga do, zama Abadantaa, ni Koyoo nka hiɲoo šendandi, ka binoo kogandi hala nga mʼa noo ma ne sanda takaa kaŋ nda a goo ni kaboo ra hõ.

Kabuyaney 25:2

Woyey din na jamaa cee kate i ma sargari kaa ngi koyey se. Jamaa ŋaa, de mo i sujudu ngi koyey jine.

Šintinoo 27:14

A koy, a nʼi dii, a kate ey nga ɲaa se. Ɲaŋoo nʼi tee ŋaayan kaana sanda woo kaŋ ga kan baaboo se.

Kokoyey 1na 13:8

Amma Irkoy boraa nee kokoyoo se: «Ba nda nʼnʼay noo ni hugoo jere faa, ay si koy ni do. Ay si haya kul ŋaa, ay si haya kul haŋ ne ra,

Zaburey 28:3

Masi agay, nda boro laaley, nda wey kaŋ ga šerretaray jaŋay tee, tee affoo kʼay halaci, ngi kaŋ alaafiya šenni goo miɲey ra ngi cinawey se, ka gar ifutu bara biney ra.