Zaburey 140:13 - Songhai de Gao Bible

¹³ Ay ga bay kaŋ Abadantaa ga ciiti boro se kaŋ ga taabi, a ga farakoyney noo ngi cimoo.

Zaburey 140:13 ပူးပေါင်းရင်းမြစ်များ

Ayuba 36:6

A si naŋ boro laala ma huna, a ga zarabantey noo cimi.

Zaburey 11:7

Zama Abadantaa ga šerre, a ga baa haya kaŋ teendi nda šerretaray, boro šerrantey no ma dii nga ndumoo.

Zaburey 16:11

Nʼga hunaroo fondaa bayrandi ya ne, boro ga duu ɲaali beeri ni jine, ni kabe gumaa ga gomni abadanteyaŋ ga bara.

Zaburey 23:6

Nhuu, gomni nda borohennataray goo ay bande ay hunaroo kul ra, ay ga yee kate Abadantaa hugoo ra, waatoo kul kaŋ cindi ya ne ra.

Zaburey 32:11

Boro šerrantey, wa ɲaali nda Abadantaa, wa yafarhã! Wa ɲaali kaatiyaŋ tee, war kul kaŋ biney ga šerre!

Zaburey 35:10

Ay ga nee nda ay binoo kul: «Abadantaa, may no ma hima nda ni ka yalaafante kaa boraa kaŋ ga hin a kaboo ra, ka talkaa nda alfukaaroo kaa ngi komakaa kaboo ra?»

Zaburey 73:24

Nʼgʼay hoyray kʼay gongu, woo banda ga, nʼgʼay ka koy daržaa ra.

Zaburey 97:12

Boro šerrantey, wa ɲaali nda Abadantaa, wa nga maa henanantaa saabu!

Yaasawey 22:23

zama Abadantaa ga kay ngi misoo ra, borey kaŋ ga ngi hayey taa i kone, Abadantaa ga hundey taa.

Yehiya 14:3

De waati kaŋ ay koy, ay ga doo hanse war se, ay ga yee kate, ay ga war zaa ay bande hala nongu kaŋ ra agay, ay goo, war mo ma bara a ra.

Yehiya 17:24

Baabaa Irkoy, borey kaŋ nʼnʼi noo ya ne, ay si baa kala nongu kaŋ ra agay, ay goo, ngi mo ma bara ay bande hala i ma dii ay daržaa, woo kaŋ nʼnʼa noo ya ne, zama ni baa agay za aduɲɲa mana daara.

Tesalonik borey bataga 1na 4:17

Ngi banda ga ir, ir kaŋ ti baahunantey kaŋ ga bara ga zandi i bande ka koy duulayaŋ ra kʼir Koyoo kubay beene. Nga ra ir ga cindi ir Koyoo bande hala abada.