Zaburey 127:1 - Songhai de Gao Bible

¹ Woo ti žigiyanoo dooni kaŋ Sulaymaana nʼa don. Nda manʼti Abadantaa ka hugoo cin, borey kaŋ gʼa cin mma goy yaada tee. Nda manʼti Abadantaa no ma koyraa lakkal, boraa kaŋ gʼa lakkal mma yaada hanna tee.

Zaburey 127:1 ပူးပေါင်းရင်းမြစ်များ

Kokoyey 1na 5:12

A na yaasay zenber hinza (3.000) har, a na bayti zenber foo nda igguu (1.005) fasal.

Taarikey 1na 28:10

Nʼga hima ka bay sohõ kaŋ Abadantaa ka ni suuba hala ma hugu cin kaŋ ga tee nga nongu henanantaa. Woo ga, ma albarka daŋ ni boŋ ra ka goy.»

Taarikey 1na 28:20

Dawda yee ka nee koyne nga izoo Sulaymaana se: «Ma albarka daŋ ni boŋ ra, ma bine tee ka goy. Masi hunbur, ni binoo masi dunbu, zama Irkoy Abadantaa kaŋ ti ay Koyoo goo ni bande, a si ni fur, a si ni yala, hala Abadantaa hugoo goyoo kul ma tee ka ben.

Taarikey 1na 29:19

Naŋ ay izʼaroo Sulaymaana ma ni yaamarey, nda ni seedetarawey, nda ni hantumey gana, a ma dira i kul bande nda nga binoo kul, a ma hugu beeroo cin kaŋ se ay na hayey soolu.»

Zaburey 120:1

Woo ti žigiyanoo dooni foo. Abadantaa no ay nʼa cee ay zaraboo ra, a nʼay zaabi.

Zaburey 121:1

Woo ti žigiyanoo dooni foo. Ay gʼay moɲey jer tondi hondey here. Man ra faabari ga hun ya ne?

Zaburey 122:1

Woo ti žigiyanoo dooni kaŋ Dawda nʼa don. Ay ga ɲaali nda borey nee ya ne: «Ir ma koy Abadantaa hugoo do!»

Zaburey 123:1

Woo ti žigiyanoo dooni foo. Ni here ay gʼay moɲey jer ka ni guna, ni kaŋ si goro kala beenaa ra.

Zaburey 124:1

Woo ti žigiyanoo dooni kaŋ Dawda nʼa don. Nda a gar Abadantaa nka sii ir bande, Izirayel mʼa har ka nee kaŋ

Zaburey 125:1

Woo ti žigiyanoo dooni foo. Borey kaŋ ga ngi naanaa daŋ Abadantaa ra ga hima nda Siyoŋ tondi hondoo kaŋ si ɲuuti, a goo no abada.

Zaburey 126:1

Woo ti žigiyanoo dooni foo. Waatoo kaŋ Abadantaa na Siyoŋ koyraa borey kaa tamtaraa ra kʼi willi kate, ir tee sanda handirikawyaŋ.

Zaburey 72:1

Woo ti Sulaymaana zabur foo. Ya Irkoy, kokoyoo cawandi ni ciiti takawey, ka ni šerretaraa daŋ kokoyoo izʼaroo ra,

Zaburey 78:69

A na nga nongu henanantaa cin kʼa jer, sanda laboo kaŋ a nʼa gorandi hala abada.

Yaasawey 16:9

Adamize binoo no ma nga fondaa hanse, Abadantaa no ma nga diraa gongu.

Waazukaa 9:11

Ay yee ka laasaabu ka dii waynaa cire kaŋ manʼti cahãntey no ma hin gaarandiyan ra, manʼti wongaarey no ma hin wongu ra, manʼti lakkalkoyney no ma duu ŋaayan, manʼti carmantey no ma duu alman, manʼti bayraykoyney no ma duu alhormo, zama gomni wala bone ga kaa boro kul ga nga waatoo ra.

Korent borey bataga 1na 15:14

Nda Almasihu mana tun, adiši ir waazoo [mo] manʼti kala yaada, ir naanaa mo manʼti kala yaada.

Korent borey bataga 1na 3:7

Woo ra boraa kaŋ ga duma manʼti baffoo, boraa kaŋ ga haŋandi manʼti baffoo, Irkoy kaŋ ga zayandi ti haya.

Galati borey batagaa 4:11

Ay ga hunbur war here farayanoo kaŋ ay nʼa tee war se ma tee yaada.

Alhukumoo 8:18

ma hongu Abadantaa, ni Koyoo, zama nga no ma ni noo gaabi ma hin ka duu almanoo woo kul, ka nga amaanaa tabatandi kaŋ a nʼa žee ni baabey se, sanda takaa kaŋ nda a goo mʼa tee hõ.

Žozuwe 2:2

Boroyaŋ koy nee Žeriko kokoyoo se: «Nga ne, aruyaŋ kaa ne cijin ka gandaa monno, Izirayel boroyaŋ no.»