Zaburey 12:7 - Songhai de Gao Bible

⁷ Abadantaa šenney manʼti kala šenni alhakiikanteyaŋ, i ga hima nda nzorfu kaaray alhakiika, kaŋ mennandi labu kusu-ize ra hala cee iyye.

Zaburey 12:7 ပူးပေါင်းရင်းမြစ်များ

Samiyel 1na 2:9

A ga nga laadirantey dira takawey hawgay. Amma boro laaley ga derandi kubaa ra, zama boro si zaame nda gaabi.

Piyer bataga 1na 1:5

War kaŋ naanaa albarkaa ra, Irkoy hinoo ga war lakkal hallasiyan se kaŋ soolu ka bangandi waati kokorantaa ga.

Zaburey 145:20

Abadantaa ga borey kul hawgay kaŋ ga bagʼa, a ga boro laaley halaci.

Zaburey 121:8

Abadantaa ga ni lakkal waati kaŋ nʼga fatta nda waati kaŋ nʼga willi kate, za sohõ da hala abada.

Zaburey 37:40

Abadantaa gʼi faaba, a gʼi kaa, a gʼi kaa boro futu kaboo ra, a gʼi hallasi, zama i nka ngi boŋ talfi a ga.

Matiyu 3:7

Kaŋ a dii Fariziyeŋ nda Sadusiyeŋ boobo kaa batizeyanoo se, a nee i se: «Gondi izey, may ka war waanandi war ma zuru Irkoy futayyanoo kaŋ ga kaa se?

Zaburey 37:28

Zama Abadantaa si baa kala cimi, a si nga ganakey naŋ. Waati kul a ga lakkal daŋ i se, amma boro futawey hayroo ka halaci.

Zaburey 16:1

Woo ti Dawda bayti foo. Ay hallasi ay Koyoo, ni ga ay ga talfi.

Zaburey 10:18

ka ciiti dunbu alyatimoo se nda boraa se kaŋ i gʼa šiita, hala laboo ga, boro kul masi yee koyne ka boro hunburandi.

Alhukumoo 33:3

Abadantaa ga baa jamawey, nga boro henanantey kul goo ni kaboo ra. I kay ni cewey cire, i ga ni šenney taa.

Žud batagaa 1:1

Agay Žud kaŋ ti Isa Almasihu tam, Žak armaa ka batagaa woo hantum war kaŋ ciyandi se, de mo Baabaa Irkoy baakey ti war, war jisandi Isa Almasihu se.

Zaburey 18:31

Irkoy fondaa tee ka timme, Abadantaa šennoo ga henan, koray no borey kul se kaŋ ga ngi boŋ talfi a ga.

Zaburey 19:9

Abadantaa fondawey ga šerre, i ga bine ɲaalandi, Abadantaa yaamarey ga henan, i ga moo feeri.

Zaburey 119:140

Ni šennoo ga henan, agay, ni tamoo, ay ga bagʼa.