4 Gaay ga fatta kubaa ra boro šerrantey se kaŋyaŋ ga alhormo tee, i ga tamalla, i ga šerre.
Ni hunaroo ga nere ka bisa zaarikay waynaa, ni kubaa ga tee sanda subbaahi gaayoo.
Nda nʼna haya kayandi, a ga tee, gaay ga bangay ni fondawey ga.
waatey kaŋ ra a ga nga fitillaa diinandi ay boŋoo boŋ nga gaayoo ra ay ga dira kubaa ra!
Aleluya! Wa Abadantaa šifa, zama a ga boori, zama nga borohennataraa si ben abada!
Abadantaa ga hinna, a ga šerre, ir Koyoo ga tamalla.
Abadantaa ga šerre nga fondawey kul ra, a ga laadir nga teegoyey kul ra.
A ga ni šerretaraa kaataray sanda gaay kʼa cebe borey se, ka ni cimoo kaataray sanda zaarikay waynaa.
Gaay sayandi boro šerrante se, ɲaali sayandi borey se kaŋ biney ga šerre.
Boro kaŋ ga hanga šerretaray nda borohennataray ga duu hunayan, nda šerretaray, nda beeray.
Wa hinna sanda taka kaŋ nda war Baabaa Irkoy ga hinna.»
Agay, ay kaa aduɲɲa ra sanda gaay, hala boro kul kaŋ ga naanay agay masi cindi kubaa ra.
Wa boori cere se, war ma hinna, war ma yaafa cere se sanda takaa kaŋ nda Irkoy yaafa war se Almasihu albarkaa ra.
Wa hanse ka takaa laasaabu kaŋ nda war ga dira. War masi dira sanda hollokomyaŋ, wa dira sanda lakkalkoyniyaŋ
Zama hayaa kaŋ gaay gʼa hay manʼti kala: borohennataray dumi kul, nda šerretaray, nda cimi.
Nda war ga bay kaŋ Almasihu ga šerre, war ma bay nga ka boro kaŋ ga goy nda šerretaray hay.
Hayaa ne kaŋ ga Irkoy izey nda Ibilisi izey fay: boro kul kaŋ si goy nda šerretaray mana hun Irkoy ga, nda boro mo kaŋ si baa nga armaa.
Ay zankey, boro kul masi war darga. Boro kaŋ ga goy nda šerretaray, boraa ga šerre sanda takaa kaŋ nda Almasihu ga šerre.