Zaburey 11:1 - Songhai de Gao Bible

¹ Donkey boŋkoynoo ka woo don. Woo ti Dawda zabur foo. Abadantaa ra ay ga duu nongu kaŋ ra ay gʼay boŋ talfi. Taka foo nda war ga hin ka nee ya ne: «Koy tondi hondoo ra sanda ciraw?»

Zaburey 11:1 ပူးပေါင်းရင်းမြစ်များ

Taarikey 2to 14:11

Abadantaa na Ecopi borey kar Asa nda Žuda borey se, Ecopi borey zuru.

Taarikey 2to 16:8

Ecopi borey nda Libi borey mana marga ka tee wongu-ize jamaa gaabante, nda bari torkayaŋ nda bari kaarukawyaŋ boobo-boobo wala? Woo kul, Abadantaa nʼi daŋ ni kaboo ra, zama nʼna ni boŋ felle a ga.

Nehemi 6:11

Ay zaabi ka nee: «Ay cine aru ga zuru wala? May ti ay cine aroo kaŋ ga huru Irkoy hugoo ra de a ma huna? Ay si huru.»

Zaburey 16:1

Woo ti Dawda bayti foo. Ay hallasi ay Koyoo, ni ga ay ga talfi.

Zaburey 25:2

Ay Koyoo, ni ra ay nʼay naanaa daŋ, masi naŋ ya haw. Yala agay iberey masi haaru ay ra!

Zaburey 31:14

Ay maa boro boobo šenni laaley, hunburay goo ya ne nongoo kul here. I ga marga ka dii cere ay ga, i ga kayandi ngi mʼay hundoo kaa.

Zaburey 56:11

Irkoy sabboo se ay ga nga šennoo saabu, Abadantaa sabboo se ay ga nga šennoo saabu.

Zaburey 7:1

Woo ti Dawda binehẽeni dooni foo kaŋ a nʼa dunbu Abadantaa se Benžameŋ boraa Kuš ga.

Zaburey 7:2

Abadantaa, ay Koyoo, ni ga ay ga talfi, ay soolam kʼay kaa ay gaaraykey kul ra,

Zaburey 9:10

Abadantaa ti borey kaŋ i gʼi šiita wakkalkaa, a ga tee i se nongu kaŋ ra boro ga talfi waati šendey ra.

Yaasawey 6:5

Ni boŋ kaa sanda jeeri kaŋ hun hookaw kaboo ra, sanda ciraw kaŋ hun kumsay hirrikaw kaboo ra.

Luka 13:31

Waati follokaa din da ra, Fariziyeŋ fooyaŋ man Isa ka nee a se: «Koy, ma nongoo woo naŋ, zama Herod ga baa nga ma ni wii.»

Samiyel 1na 19:11

Sawul na dontokawyaŋ sanba i ma koy Dawda hugoo do kʼa koroši, subbaahoo ra i mʼa wii. Amma Mikal, Dawda wandoo na alhabar daŋ Dawda ra ka nee: «Nda mana zuru hõ cijinoo, suba nʼga wiiyandi.»

Samiyel 1na 20:38

A yee ka kaati zankaa ga ka nee: «Cahã, tanba, masi kay!» Žonataŋ zankaa na biraw-izey kuuna, a yee kate nga aru beeroo do.

Samiyel 1na 22:3

Dawda hun no din ka koy Mispe kaŋ goo Mowab gandaa ra. A nee Mowab kokoyoo se: «Ay gʼa wiri ni ga, ma naŋ ay ɲaa nda ay baabaa ma koy goro ni do hala waati kaŋ ay na hayaa bay kaŋ Irkoy gʼa tee ya ne.»

Samiyel 1na 23:14

Dawda koy saajoo tee nga gorodogoo, tondey nongey ra. Kaŋ a goo ma goro Zif saajoo hondey boŋ, Sawul gʼa ceeci zaari kul, amma Irkoy manʼa daŋ kaboo ra.

Samiyel 1na 27:1

Woo banda ga, Dawda nee nga boŋ se: «Sawul kokoroo kul ti han foo a mʼay halaci. Hayaa de kaŋ ay ga hima kʼa tee ti ya zuru ka koy Filisti borey gandaa ra, hala Sawul ma fay nda kʼay ceeci Izirayel laboo kul ra, ay ga hallasi kaboo ra.»