Zaburey 101:5 - Songhai de Gao Bible

⁵ Boro kul kaŋ na nga cinaa maaɲoo hasara tuguyan ra, ay ga koyoo halaci. Fooma nda binebeeray, ay sʼi muɲe.

Zaburey 101:5 ပူးပေါင်းရင်းမြစ်များ

Zaburey 18:27

Boro kaŋ ga henan, nʼga goy a se nda henanyan, boro kaŋ ga šiiri, nʼga goy a se nda carmay.

Zaburey 15:3

A si nga deenoo ka nga borey maaɲey futandi, a si nga cinawey dor, a si nga borey wow.

Yaasawey 30:13

Zaman foo alwaddayaŋ goo no kaŋ ga ngi boŋ jer, i ga boro kul guna yaada.

Zaburey 50:20

Nʼga goro ka ni armaa ciinay, nʼga ni ɲaa izoo maaɲoo hasara.

Tit batagaa 2:3

Takaa din da, woy žeeney ma bara nda attabiya henananteyaŋ, i masi tee miimandakaw, i masi ngi goyoo tee harifutu haŋyan de. I ma tee ihenna cawandikaw

Korent borey bataga 1na 5:11

Amma sohõ ya nka hantum war se kaŋ nda boro goo war ra kaŋ i gʼa cee nda ir armaa, de boro no kaŋ ga woy nda aru izefututaray tee, wala albahiiri, wala tooru ganakaw, wala boro wowkaw, wala harifutu haŋkaw, wala komakaw, boraa woo cine, war masi ba ŋaa a bande.

Luka 18:14

Ay gʼa har war se kaŋ boraa woo zunbu ka koy nga hugoo do, a tee boro šerrante. Zama boro kul kaŋ na nga boŋ jer ga yee ganda, de boro kaŋ na nga boŋ yeeti ganda ga jerandi.»

Yaasawey 20:19

Boro kaŋ ga almunafikitaray tee mma sirri feeri, ni boŋ hawgay boro ga kaŋ šennoo ga baa.

Yaasawey 25:23

Takaa kaŋ nda hawsa here hewoo ga ncirɲi hay, deene kaŋ ga ciinay ga boro futandi.

Yaasawey 10:18

Boro kaŋ ga konnaray tugu, miɲoo ga taari har. Miimandakaw manʼti kala lakkal jaŋante.

Zaburey 138:6

zama Abadantaa jerandi, amma a ga dii borey kaŋ yeetandi ganda, nda hundi beerey, a gʼi bay nongu mooro ra.

Samiyel 1na 2:3

Wa fay nda bolsay šenni, fooma šenni kul masi hun war miɲey ra. Zama Abadantaa manʼti kala Koy kaŋ ga haya kul bay, nga no ma teegoyey kul neeši.

Sargarey 19:16

Masi huru ka fatta ni jamaa ra ka miimanda. Masi kayandi ni cinaa kuroo ma mun. Agay ti Abadantaa.

Fattaroo 23:1

«Masi šenni kaŋ manʼti cimi ka dira. Masi seede bine konna tee ka boro kaŋ tooɲe faaba.

Fattaroo 20:16

Masi taari seedetaray tee ni cinaa ga.

Timote bataga 1na 3:11

Takaa din da, woyey ma tee boroyaŋ kaŋ borey gʼi beerandi, i masi tee miimandakaw, i ma hin ngi boŋ, i ma laadir haya kul ra.

Yaasawey 21:4

Fooma nda binebeeray no ma boro futu zunuboo cebe.