Zaburey 101:3 - Songhai de Gao Bible

³ Ay si haya futu kul daŋ ay moɲey cire. Ay ga konna teegoy laaley kaŋ borey kaŋ hun fondaa boŋ gʼi tee, i masi man agay.

Zaburey 101:3 ပူးပေါင်းရင်းမြစ်များ

Ayuba 31:1

«Amaana no ay daŋ agay nda ay moɲey game kaŋ ay sʼay moɲey kanji woy soogo ra kaŋ si aru bay kʼa boonay.

Zaburey 119:113

Ay ga konna adamize bine hinkakoyney, ay ga baa ni ašariyaa.

Zaburey 119:37

Ay moɲey kaa haya yaadawey gunayanoo ga, ay hunandi ni fondaa ga!

Zaburey 125:5

Amma borey kaŋ ga šiiri ka koy fondo golbantey here, yala Abadantaa ma kate nda ey, ngi nda goy futu teekey! Yala alaafiya ma kaa Izirayel ga!

Zaburey 139:22

Ay gʼi konnay hala konnay kaydogoo ga. Iberiyaŋ no ya ne.

Zaburey 14:3

I kul na fondaa naŋ, i tee boro laala, boro kul sii no kaŋ ga ihenna tee, ba affoo.

Zaburey 36:3

A ga dere ka nga boŋ dii boro henna, hala nongu kaŋ ra a si dii nga layboo kʼa konnay.

Zaburey 39:1

Donkey boŋkoynoo nda Yedutun ka woo don. Woo ti Dawda zabur foo.

Zaburey 40:4

A na dooni taaga daŋ ay miɲoo ra, maanaa ir Koyoo saabuyan. Boro boobo ga dii a, de i ga hunbur, i ga ngi naanaa daŋ Abadantaa ra.

Zaburey 41:9

«Dori laala ga kaŋ a boŋ! Nga ne ka kani, a si tun koyne!»

Zaburey 78:41

I yee koyne ka Irkoy sii, ka Izirayel Koy Henanantaa tooɲe.

Zaburey 78:57

I hun a cire, i mana laadir sanda ngi hayragey, i šiiri sanda biraw kaŋ si goy boryo.

Zaburey 97:10

War kaŋ ga baa Abadantaa, wa konna ifutu! A ga nga ganakey hunaroo hawgay, a gʼi kaa boro laaley kabey ra.

Fattaroo 20:17

Masi haya kaŋ goo ni cinaa hugoo ra boonay. Masi ni cinaa wandoo boonay, wala nga baɲɲaa, wala nga koŋŋaa, wala nga hawoo, wala nga farkaa, wala haya kul kaŋ ti cinaa wane.»

Fattaroo 32:8

I cahã ka fondaa naŋ kaŋ ay nʼi yaamar i mʼa dii. I na guuru mennandi kʼa tee yagaw ngi boŋ se ka sujudu a se, ka sargari kaa a se, i nee mo: ‹Izirayel, ni Koyoo ne kaŋ na ni žigandi ka hun Misira gandaa ra.›»

Yaasawey 6:12

Boro yaamu, goy futu teekaw no, a mma yaara de ka taari.

Yaasawey 6:13

A ga moo kar ka zanba, ka šelaŋ nda nga cewey nda nga kabey,

Yaasawey 6:25

Nga booroo masi tee ma ne bine-ibaayi, masi naŋ moɲey ma duu ni.

Yaasawey 8:13

Ka hunbur Abadantaa manʼti kala ka konna ifutu, boŋ beerandi, nda bolsay, nda fondo futu, nda deenebeeray, wey, ay ga konna ey.

Waazukaa 6:9

Boro ma dii nda nga moɲey baa haya kaŋ boro gʼa boonay. Woo mo sii nda addalil sanda hew gaarandiyan.

Matiyu 5:28

Amma agay, ay ga war bayrandi kaŋ boro kul kaŋ na woy guna kʼa boonay, boraa na zina tee nda a ka ben nga binoo ra.

Rom borey batagaa 12:9

Almunafikitaray masi bara baji ra. Wa konna ifutu, wa gaabandi ihenna ga.

Galati borey batagaa 4:9

Amma sohõ war ga Irkoy bay, wala hunday sohõ ir ma nee Irkoy ga war bay. Taka foo war ga war boŋ yeeti haya buunayaŋ kaŋ sii nda nafaw cire kaŋyaŋ se war ga baa war ma tee tam koyne?

Alhukumoo 13:17

Ma nga alganiimaa kul marga farroo gamoo ra, ma nuune daŋ koyraa ra nda alganiimaa kul kaŋ goo a ra, mʼi kul sarga Abadantaa, ni Koyoo maaɲoo ga sanda sargari kaŋ tonandi hala a ma ben, a ga tee hala abada koyra kaŋ kayri, a si yee ka cinandi koyne.

Alhukumoo 15:9

Ni boŋ hawgay masi anniya futu zaa ni binoo ra ka nee: ‹Jiiri iyyantoo man, naŋyanoo jiiroo› ka ni arma talkaa guna nda guna futay, de manʼa noo haya kul. A ga kaati ka Abadantaa cee ni ga, de nʼga duu zunubu.

Eberewey batagaa 10:39

Amma ir, ir sii borey ra kaŋ ga yee banda ka halaci. Ir sii kala borey ra kaŋ ga naanay ka ngi hundey hallasi.

Žozuwe 23:6

Sohõ wa war boŋ gaabi ka haya kul kaŋ hantumandi Muusa ašariyaa tiiraa ra dii kʼa ka goy, bila nda war ma šiiri kabe guma here wala iwaawa here,

Piyer bataga 2to 2:21

Zama nda i nka mana fondo šerrantaa bay jina baa i se i mʼa bay i ma duu ka yee ka šiiri yaamar henanantaa se kaŋ nondi i se.

Yehiya bataga 1na 2:19

Ir ra i hun, amma nda cimi, i sii ir ra. Zama nda a gar i mma bara ir ra, i ga duumi ir bande. Amma woo teendi hala a ma henan kaŋ ngi affoo kul sii ir ra.

Samiyel 1na 15:11

«Ay nimsi nda haya kaŋ se ay na Sawul daŋ kokoytaraa ra, zama a na banda bere ya ne, a manʼay šenney ka goy.» Samiyel futu, a kaati ka Abadantaa cee cijinoo kul.