Zaburey 100:5 - Songhai de Gao Bible

⁵ Zama Abadantaa ga boori, nga borohennataraa si ben abada, nga laadirtaraa ga cindi zaman ka kaa zaman.

Zaburey 100:5 ပူးပေါင်းရင်းမြစ်များ

Taarikey 1na 16:34

Wa Abadantaa šifa, zama a ga boori, nga borohennataraa si ben abada!

Taarikey 2to 5:13

Waatoo kaŋ laati beeri karkey, nda donkey jindey marga ka tee affoo ka Abadantaa saabu ka albarka daŋ a se, i na jinde jer ka ngi laati beerey hẽenandi, nda guurey kaŋ ga kara-kara, nda hooray jinawey jerey kar ka Abadantaa saabu ka nee: «Nda cimi, Abadantaa ga boori, nga borohennataraa si ben abada!» Alwaatoo din da ra, Abadantaa hugoo too met nda duula.

Ezra 3:11

I ga Abadantaa saabu kʼa beerandi ka don cere bande ka nee: «Nda cimi Abadantaa ga boori, nga borohennataraa Izirayel here si ben abada.» Woo banda ga, jamaa ga ɲaali ka hoolo beeri tee ka Abadantaa saabu, zama Abadantaa hugoo asaasey teendi.

Zaburey 103:17

Amma Abadantaa borohennataraa goo nga hunburkey ga waati kul hala abada, nga šerretaraa goo ngi izey izey ga,

Zaburey 106:1

Aleluya! Wa Abadantaa šifa, zama a ga boori, zama nga borohennataraa si ben abada!

Zaburey 107:1

Wa Abadantaa šifa, zama a ga boori, zama nga borohennataraa si ben abada.

Zaburey 107:15

I ma Abadantaa šifa nga borohennataraa nda teegoy kayfantey kaŋ a gʼi tee adamizey se maaganda.

Zaburey 107:22

I ma albarka daŋyan sargari kaa, i ma nga teegoyey deede nda ɲaali kaatiyaŋ.

Zaburey 107:8

I ma Abadantaa šifa nga borohennataraa nda teegoy kayfantey kaŋ a gʼi tee adamizey se maaganda.

Zaburey 119:68

Nʼga boori, nʼga gomni tee. Ay cawandi ni hantumey!

Zaburey 138:8

Abadantaa ga haya kul benantaa tee ya ne gomni. Ni borohennataraa si ben abada. Masi ni kabey teegoyey fur.

Zaburey 146:6

Nga kaŋ na beenaa nda laboo tee, nda teekoo nda haya kul kaŋ goo a ra, nga kaŋ ga laadir hala abada.

Zaburey 25:8

Abadantaa ga boori a ga šerre, woo se a ga fondaa cawandi zunubantey se.

Zaburey 36:5

A ga bone miile nga daaroo boŋ, a goo fondo boŋ kaŋ si boori, a si wanji ifutu.

Zaburey 52:1

Donkey boŋkoynoo ka woo don. Woo ti Dawda bayti dooni foo.

Zaburey 85:10

Cimi no, nga hallasiroo ga man borey kaŋ ga hunbur a, daržaa ma tabati ir gandaa ra.

Zaburey 86:5

Zama ni, ay Koyoo, nʼga boori, nʼga yaafa, nʼga borohennataray beeri tee borey kul se kaŋ ga ni cee.

Luka 1:50

Zaman ka kaa zaman, a ga hinna nga hunburkey se.

Alhukumoo 7:9

Ma bay kaŋ Abadantaa, ni Koyoo kaŋ ti Irkoy manʼti kala Koy laadirante kaŋ borey kaŋ ga bagʼa, i ga nga yaamarey dii, a ga nga amaanaa nda nga borohennataraa too i se hala alwadda zenber (1.000) here.

Tit batagaa 1:2

I ma duu hunayan abadantaa naataa kaŋ Irkoy kaŋ si taari na nga allaahidoo zaa za alwaatey kul jine.