Zaburey 10:3 - Songhai de Gao Bible

³ Boro laalaa ga fooma nda hayaa kaŋ a ga bagʼa, albahiiri ga Abadantaa wow, a gʼa ɲooɲo.

Zaburey 10:3 ပူးပေါင်းရင်းမြစ်များ

Kokoyey 1na 20:25

Ni wongu-izey kaŋ halaci, nʼga hima ka ngi hinnaa wongu-ize soolu. Bari hinnaa kaŋ buu, ma nga cinaa ceeci, bari torkawey kaŋ hasara, ma ngi cinaa ceeci. Nga banda ga, ir ga koy Izirayel borey tangam ganganoo ra. Nda woo teendi, šikka sii a ra kaŋ ir ga hin ey.» Kokoyoo yadda i se, woo kaŋ i nʼa har, a nʼa tee.

Ayuba 31:24

Ya nkʼay naanaa daŋ wura ra, ya nka nee wura alhakiika se: ‹Ay ga wakkal ni ga›, wala?

Zaburey 35:21

I ga ngi deeney feeri ay ga, i ga nee: «Nhuu! Nhuu! Ir dii a nda ir moɲey!»

Zaburey 49:18

zama nda a buu, a si koy nda nga bande hayey wey ra ba affoo, nga daržaa si hanga a.

Zaburey 49:6

Macin se ay ga hunbur bone zaari, waati kaŋ almunafikey goy futawey gʼay kuubi kʼay bere?

Zaburey 5:6

Borey kaŋ ga ngi boŋ beerandi si kay ni jine, nʼga konna borey kaŋ ga šerretaray jaŋay tee.

Zaburey 52:1

Donkey boŋkoynoo ka woo don. Woo ti Dawda bayti dooni foo.

Zaburey 94:4

I ga deenebeeray ka šelaŋ nda moɲɲay, borey kul kaŋ ga šerretaray jaŋay tee ga bolsay.

Fattaroo 15:9

Iberoo nee: ‹Ay gʼi gaarandi, ay ga duu ey, ay ga alganiimaa zamna, ay gʼa tee woo kaŋ ay baa, ay gʼay takubaa hoobu, ay kaboo gʼi halaci.›

Yaasawey 28:4

Boro kaŋ ga ašariyaa naŋ mma boro futu saabu, boro kaŋ ga ašariyaa dii mma boro futu tangam.

Waazukaa 7:15

Ay dii woo kul ay zaari yaadawey ra. Šerrante goo no kaŋ nga nda nga šerretaraa kul, a ga buu, nda boro futu kaŋ nga nda nga futuroo kul, a ga duu aloomur kuku.

Sargarey 26:30

Ay ga war tooru ganadogey halaci, ay ga war dugu dullandidogey kayri, ay ga war bukawey daŋ toorey kaŋ ti bukawyaŋ ga. Ay hundoo ga konna war.

Luka 12:15

Woo banda ga, a nee i se: «Wa hanse ka lakkal daŋ ka war boŋ hawgay haya ceeci nda albahiiritaray dumi kul ga, zama adamize hunaroo alman sʼa hallasi, taka kul kaŋ nda a goo nda a.»

Luka 12:19

Woo banda ga, ay ga nee ay boŋ se: ‹Ay baakaa, arzaka boobo fanjandi ma ne jiiri booboyaŋ se: ni boŋ hunanzam, ŋaa, ma haŋ, ma yafarhã.›

Rom borey batagaa 1:29

Biney ga too nda šerretaray jaŋay dumi kul, nda laalay, nda albahiiritaray, nda binefutay. I ga too nda canseyan, nda borowiiyan, nda yenje, nda zanbayan, nda binebibitaray, nda almunafikitaray.

Rom borey batagaa 1:32

Ba kaŋ i ga Irkoy šerretaraa bay kaŋ ti borey kaŋ ga hayey wey dumey tee ga hima nda buuyan, woo kul, i ga teegoyey wey tee, de mo a ga kan i se ngi ga dii borey gʼi tee.

Korent borey bataga 1na 6:10

nda zayey, nda albahiirey, nda harifutu haŋkey, nda boro wowkey, nda komakey si Irkoy Laamaa tubu.

Efez borey batagaa 5:5

Zama war ma bay kaŋ boro kaŋ ga woy nda aru izefututaray tee, nda boro žiibi, nda albahiiri – tooru ganakaw no – si duu tubuhaya Almasihu nda Irkoy Laamaa ra.

Alhukumoo 29:19

Abadantaa si baa nga ma yaafa a se. Zama Abadantaa futuroo nda nga cansaa ga zunbu boraa din ga, laaliroo kul kaŋ hantumandi tiiraa woo ra ga kaŋ a boŋ, Abadantaa ga maaɲoo kaa aduɲɲa ra.

Alhukumoo 32:19

Waatoo kaŋ Abadantaa dii woo, a mana tee a se, zama nga izʼarey nda nga ize woyey nʼa dor.

Kolos borey batagaa 3:5

Wa hayey wii kaŋ goo war ra kaŋ ti laboo wane: woy nda aru izefututaray, nda žiibi, nda ibaayi futu, nda boonay futu, nda haya ceeci albahiiritaray ra kaŋ ti tooru ganayan.

Žak batagaa 4:13

Sohõ war ga ay goo, war kaŋ ga nee: «Hõ wala suba ir ga koy koyra filaana ra, ir ga jiiri foo tee no din, ir ga maamala, ir ga albaha tee.»

Žak batagaa 4:16

Amma sohõ, war ga war boŋ jer war bolsiyaney ra. Bolsiyanoo woo dumoo kul ga laala.

Yehiya bataga 1na 2:15

War masi baa aduɲɲa, war masi baa hayey kaŋ goo aduɲɲa ra. Nda boro ga baa aduɲɲa, Baabaa Irkoy bajoo sii boraa ra.

Alkaaley 17:2

a nee nga ɲaa se: «Nzorfu kaaray tamma boŋ zenber foo nda zangoo (1.100) kaŋ i nʼi dii ni ga kaŋ se nʼna dangayan har ay jinoo ra, guna, agay kone nzorfoo goo. Agay no kʼa zaa.» Ɲaŋoo nee: «Ay izoo, yala Abadantaa albarkaa ma huru ni ra.»

Samiyel 1na 23:21

Sawul nee: «Abadantaa ma albarka daŋ war ra, zama war hinna ya ne.