Zaburey 10:18 - Songhai de Gao Bible

¹⁸ ka ciiti dunbu alyatimoo se nda boraa se kaŋ i gʼa šiita, hala laboo ga, boro kul masi yee koyne ka boro hunburandi.

Zaburey 10:18 ပူးပေါင်းရင်းမြစ်များ

Zaburey 10:14

Ni hunday dii binemarayyanoo nda šiitaroo, nʼga guna ka huga nda takaa, ni ga talkaa ga talfi, ni no ma alyatimoo faaba.

Zaburey 17:14

Abadantaa, ni kaboo kʼay hallasi adamizey ra, aduɲɲa borey kabey ra! Ngi bagaa ti aduɲɲa, ngi gundey too nda woo kaŋ nʼnʼa jisi, ngi izey ga kungu, i ga kungu ka cindoo naŋ ngi zankey se.

Zaburey 72:4

A ga jamaa borey kaŋ ga taabi noo cimi, a ga talkey izʼarey hallasi ka ngi šiitakey motti.

Zaburey 74:21

Masi boraa kaŋ i gʼa šiita naŋ a ma willi nda haawi. Yala talkaa nda alfukaaroo ma ni maaɲoo saabu.

Zaburey 82:3

War mma hima ka ciiti dunbu yalaafantey nda alyatimey se, ka ciiti nda šerretaray borey kaŋ ga taabi nda alfukaarey se.

Zaburey 9:9

Nga, a ga aduɲɲa ciiti nda šerretaray, a ga jamawey ciiti nda fondaa.

Luka 16:25

Ibirahima nee a se: ‹Ay izoo, hongu kaŋ ni duu ni bagaa gomnoo ni hunaroo ra, amma Lazar laazaaba, sohõ binoo yay, ni, ni goo ma zarabi.

Alhukumoo 10:18

A ga faasa alyatim nda woy kaŋ kurɲoo buu se, a ga baa yaw, a gʼa noo ŋaayan nda bankaaray.