Zaburey 1:3 - Songhai de Gao Bible

³ A ga hima nda tuuri kaŋ dumandi hari bisadooyaŋ miɲey ga, a ga ize tee nga waatoo ga, fitawey si kogu, haya kul kaŋ a gʼa tee ga boori.

Zaburey 1:3 ပူးပေါင်းရင်းမြစ်များ

Šintinoo 39:23

Haya kul kaŋ goo Isufi kaboo ra, kasahugoo jineboraa si huga nda a, zama a ga bay kaŋ Abadantaa goo Isufi bande, de mo haya kul kaŋ ra Isufi na kabe daŋ, Abadantaa gʼa boryandi.

Šintinoo 39:3

Nga koyoo dii kaŋ Abadantaa goo a bande, de mo haya kul kaŋ ra a huru Abadantaa gʼa hanse.

Kokoyey 2to 18:7

Abadantaa goo a bande. Goy kul kaŋ a nʼa tee ga boori a ga. A ture Asiri kokoyoo ga, a mana boŋdum a se.

Taarikey 1na 22:11

Sohõ ay izoo, yala Abadantaa ma bara ni bande hala ma tee kayante, ma Abadantaa, ni Koyoo hugoo cin, sanda takaa kaŋ nda a nʼa har ni ga.

Taarikey 1na 22:13

Abadantaa hantumey, nda nga hantumey kaŋ kayandi kaŋ a nʼi noo Musa se a mʼi har Izirayel se, nda ni gaabandi ka dira i bande, woo ra ni teegoyey ga boori. Ma albarka daŋ ni boŋ ra, ma bine tee, masi hunbur, masi joote.

Taarikey 2to 31:21

Goyoo kul kaŋ a nʼa tee Abadantaa hugoo goyoo ra, nda ašariyaa se, nda yaamaroo se, nda ka nga Koyoo ceeci, a nʼa tee nda nga binoo kul, goyey boori a ga.

Taarikey 2to 32:23

Boro booboyaŋ kate hayayaŋ Abadantaa se Žerizalem, nda gomni beeriyaŋ Žuda kokoyoo Ezekiyas se kaŋ za alwaatoo woo gandawey kul gʼa beerandi.

Ayuba 14:9

hari kayna gʼa zayandi, a ga kabeyaŋ tee sanda tuuri kaccu.

Ayuba 22:28

Nda nʼna haya kayandi, a ga tee, gaay ga bangay ni fondawey ga.

Zaburey 128:2

Nʼga daame nda ni kabe goyoo nafaa. Ni duu gomni, binekaanay ti ni wane.

Zaburey 129:8

Bisakey si nee: «Abadantaa ma albarka daŋ war ra. Ir ga gaara war se Abadantaa maaɲoo ga.»

Zaburey 92:14

I ga hima nda tuuri kaŋ dumandi Abadantaa hugoo ra, i ga zay ka boosu ir Koyoo hugoo batumawey ra.

Zaburey 92:15

Ba ngi žeenay ga i ga ize tee, i ga gani, fitawey ga firzi

Kabuyaney 24:6

I ga koy ni mma nee hari beeri bisadoo, sanda saddiɲayaŋ kaŋ goo isa mee ga, sanda alowe dumariyaŋ kaŋ Abadantaa nʼi duma, sanda sedere tuuriyaŋ kaŋ goo haroo miɲoo bande.

Matiyu 13:6

Amma kaŋ waynaa fatta, i ton. I kogu, zama i sii nda linji gaabante.

Matiyu 21:19

Kaŋ a ga jeejayɲaa foo honnay fondaa ra, a koy a here, amma a mana haya kul gar a ga kala fitawey hinne. A nee a se: «Ize masi zay ni ga hala abada.» Dogoo din da jeejayɲaŋoo kogu.

Matiyu 21:34

Kaŋ hegaa waatoo man, a na nga tamey sanba beerikey do hala nga ma duu faari-izey ra.

Matiyu 21:41

I nee a se: «A ga boro laaley wey halaci laala. A ga faaroo yeeti beerikaw tanayaŋ se kaŋ gʼa noo faari-izey hegaa waati.»

Yehiya 15:6

Boro kaŋ si duumi ay ra ga warrandi taray, a ga kogu sanda tuuri kabe, woo banda ga, tuuri kabey ga margandi ka warrandi nuune ra, de i ga ton.

Alhukumoo 28:8

Abadantaa ga yaamar noo albarka ma huru ni attam fanjidogey nda ni kabe goyey kul ra. Gandaa kaŋ Abadantaa, ni Koyoo gʼa noo ma ne, a ga albarka daŋ ni ra gandaa din ra.

Žud batagaa 1:12

I ga tee sanda žiibi ndellayaŋ war armataray ŋaadogey ra. I ga ŋaa ka haŋ ka too bila hunburay, i si honga kala ngi boŋ de. I ga hima nda duulayaŋ kaŋ ra hari sii, de hewoo gʼi zaa. I ga hima nda jamde tuuriyaŋ kaŋ ga ize sii kaŋ buu cee hinka, i dogandi.

Bangandiroo 22:2

Koyraa farroo gamoo ra, isaa mee hinkaa ga, tuuroo kaŋ ga hunayan noo goo kaŋ ga hegayandi cee woy cindi hinka (12), handu kul a ga hay. Tuuroo fitawey no ma gandawey duubaanandi.