Yunusa 4:9 - Songhai de Gao Bible

⁹ Waatoo din Irkoy na Yunusa hãa ka nee: «Nʼga hongu ni goo nda cimi ka futu tuuri-izoo sabbu se wala?» Yunusa nʼa zaabi ka nee: «Ayyo, ay goo nda cimi ka futu hala nongoo kaŋ ra ay goo sohõ da buuyan no ay ga baa.»

Yunusa 4:9 ပူးပေါင်းရင်းမြစ်များ

Kokoyey 1na 21:4

Akab koy nga do nda gaabuunay nda binemarayyan Žizireyel boraa Nabot šennoo maaganda, zama Nabot nka nee: «Tuboo kaŋ ay baabey nʼa naŋ ya ne, ay sʼa noo ma ne.» Akab koy kani nga daaroo ga ka nga jinoo tenjandi cetaa, ka wanji ka ŋaa.

Ayuba 18:4

Ayuba, nʼga ni boŋ maray nda ni futuroo, ni maaganda se laboo ga naŋandi wala? Ni se tondi ga hun dogoo ra?

Ayuba 36:18

Masi naŋ ni futuroo ma ni daŋ wowyan ra, yala sufurawey booboyanoo masi ni kaa cimoo ga.

Ayuba 5:2

Zama binetunay ga saama wii, canseyan no ma lakkal jaŋante wii.

Yunusa 4:1

Woo kaŋ Irkoy nʼa tee Niniwe borey se mana kan Yunusa se, a hanse ka futu.

Yunusa 4:10

Abadantaa nee a se: «Ayyo, Yunusa! Tuuri-izoo woo kaŋ manʼa duma, manʼa zayandi, nʼga tamalla a se. Tuuri-ize kaŋ nka zay cijin foo ra, nga subaa cijinoo ra a buu.

Yunusa 4:8

Waatoo kaŋ waynaa fatta, Irkoy na dandi hew konna foo tunandi. Waynaa na Yunusa kar hala a kaŋ bininiyan se, Yunusa nee nga mma baa nga ma buu, a nee: «Irkoy, agay woo, ay baa buuyan ka bisa hunayan.»

Matiyu 26:38

A nee i se: «Ay binoo ga hanse kʼay maray hala ay ga baa ka buu. Wa cindi ne, war ma hanna ay bande.»

Korent borey bataga 2to 7:10

Zama binemarayyan kaŋ teendi ka sawa nda Irkoy ibaayoo ga kate boro binoo ma maray ka tuubi ka duu hallasiyan, boro si nimsi a ra, amma aduɲɲa binemarayyanoo ga kate buuyan.

Bangandiroo 9:6

Alwaatey din ra, adamizey ga buuyan wiri, amma i si duu a. I ga boonay buuyan, amma a ga zuru i se.

Alkaaley 16:16

A nʼa zaa ka kay, a gʼa kankam zaari kul nda nga šenney, Samsoŋ fara nda a hala a ga baa ka buu,