Yunusa 1:4 - Songhai de Gao Bible

⁴ Amma nga naarumaa ra Abadantaa na hew beeri foo tunandi teekoo boŋ kaŋyaŋ hanse ka harihiyoo zinji-zinji hala ni mma nee a mma fay ka hun cere ga,

Yunusa 1:4 ပူးပေါင်းရင်းမြစ်များ

Zaburey 135:6

Haya kul kaŋ kan Abadantaa se, a gʼa tee beenaa ra nda laboo ga, teekowey ra nda guusu beerey kul ra.

Zaburey 135:7

A ga duula tunandi ka hun laboo kanjey ga, a ga ncirɲi zumandi ka meli tee, a ga hewoo tunandi ka hun nga jisidogey ra.

Zaburey 148:8

nda nuune, nda gari, nda neeži, nda duula zunbante, nda hew beeri kaŋ ga nga yaamaroo tee,

Fattaroo 10:13

Musa na nga goboo šerre Misira gandaa ga, Abadantaa na dandi hew tunandi kaŋ na gandaa kul dii zaaroo kul nda cijinoo kul. Subbaahoo ra, dandi hewoo kate ndoowey.

Fattaroo 10:19

Abadantaa na hewoo bere kʼa tee dangay hew beeri kaŋ na ndoowey zaa kʼi warra Kakaarey teekoo ra. Ba affoo mana cindi Misira laamaa kul ga.

Fattaroo 14:21

Musa na nga kaboo šerre teekoo ga, Abadantaa na dandi hew beeri foo tunandi cijinoo kul ka teekoo kogandi, haroo fersi.

Fattaroo 15:10

Nʼna ni hewoo funsu, teekoo daabu i ga. I sundu ma nee badila hari beerey ra.

Kabuyaney 11:31

Abadantaa na hew tunandi, hewoo na jerfendayyaŋ ka hun za teekoo here ka kaa kʼi kaŋandi jamaa kaloo ra, kʼa kuubi kʼa bere, caraw foo zaari foo diray kuuyan, caraw faa zaari foo diray kuuyan, i goo cere boŋ laboo ga ka jer beene kabedaaru hinka.