Yehiya 9:5 - Songhai de Gao Bible

⁵ Kullihinne ay goo aduɲɲa ra, agay ti aduɲɲa gaayoo.»

Yehiya 9:5 ပူးပေါင်းရင်းမြစ်များ

Matiyu 4:16

Jamaa woo kaŋ goro kubaa ra dii gaay beeri, wey kaŋ goro gandaa ra nda buuyan biyoo ra, gaay fatta i se.»

Matiyu 5:14

War, war ti aduɲɲa gaayoo. Koyra kaŋ goo tondi hondu boŋ si hin ka tugu.

Luka 2:32

Nga ti annuuraa kaŋ ga bangay gandawey se, ka ni jamaa Izirayel noo daržaa.»

Yehiya 12:46

Agay, ay kaa aduɲɲa ra sanda gaay, hala boro kul kaŋ ga naanay agay masi cindi kubaa ra.

Yehiya 8:12

Isa yee koyne ka šelaŋ i se ka nee: «Agay, agay ti aduɲɲa gaayoo. Boro kaŋ hanga ay bande, šikka sii a si dira kubaa ra, hunayan gaayoo no a ga duu a.»

Teegoyey 13:47

Zama ir Koyoo nʼir yaamar ka nee: ‹Ay na ni kayandi ma tee dumiyaŋ gaayoo, hala ma koy nda hallasiroo hala aduɲɲa kaydogoo ga.›»

Teegoyey 26:18

hala ma moɲey feeri, i ma bere ka hun kubaa ra ka koy gaayoo ra, ka hun Ibilisi hinoo cire ka koy Irkoy do hala i ma duu zunubey yaafaa, ka duu baa borey bande kaŋ yeetandi jere ga Irkoy se ngi naanaa kaŋ i nʼa daŋ ay ra maaganda se.›»

Teegoyey 26:23

kaŋ a nka tilasu Almasihu ma zarabi, nga ti boro jinaa kaŋ ga tun bukawey ra, a ga hima ka gaayoo har ir jamaa nda dumi waaniyaŋ se.»

Efez borey batagaa 5:14

zama haya kul kaŋ fatawandi ga diyandi gaayoo ra, woo se i nee: «Tun, ni kaŋ ga jirbi, tun ka hun bukawey game, Almasihu ga nga annuuraa daŋ ni ga.»

Bangandiroo 21:23

Koyraa si too waynaa ga, a si too handoo ga a ma nga noo gaay, zama Irkoy daržaa ga dii a ga, nga fitillaa manʼti kala Feeji-izoo.