Yehiya 8:7 - Songhai de Gao Bible

⁷ Kaŋ i mana fay nda i gʼa hãa, a tun ka nee i se: «Boraa kaŋ ga zunubu sii war ra ma jin kʼa warra nda tondi.»

Yehiya 8:7 ပူးပေါင်းရင်းမြစ်များ

Yaasawey 12:18

Šenni kaŋ sii nda addalil harkaw ga boro maray sanda takuba, amma lakkalkoyney šenney ga boro noo baani.

Yehiya 7:46

Lakkalkey zaabi ka nee: «Abada adamize kul mana bay ka šelaŋ sanda boraa woo takaa!»

Yehiya 8:10

Isa tun, a nee woyoo se: «Woyoo, man borey? Boro na alhukum zurandi ni ga wala?»

Yehiya 8:8

A yee koyne ka gunguma ka hantum laboo ra.

Kolos borey batagaa 4:6

War šenney ma teendi nda anneema waati kul, ciiri ma bara i ra, hala war ma hin ka bay taka kaŋ nda war ga boro foo kul zaabi.

Bangandiroo 1:16

Kabe gumaa ra handaray iyye goo, miɲoo ra takuba ga fatta kaŋ mee hinkaa kul ga kan. Ndumoo ga hima nda waati kaŋ waynaa ga dii garaw.

Bangandiroo 19:15

Miɲoo ra takuba mee kaana fatta hala a ma duu ka gandawey kar. Nga no mʼi kur nda guuru gobu. Nga no ma alaneb haroo motti jinaa ra kaŋ ra alaneb hari mooraa goo kaŋ ti Irkoy, Hini-kul-koyoo futay laalaa.

Bangandiroo 2:16

Woo se ma tuubi. Nda manʼti woo, ay ga kaa ni ga nda cahãyan, de ay gʼi wongu nda ay miɲoo takubaa.”›