Yehiya 8:16 - Songhai de Gao Bible

¹⁶ Nda a gar kaŋ ya mma ciiti, ay ciitoo ti cimi, zama manʼti agay hinne no, amma agay nda Baabaa Irkoy kaŋ nʼay sanba no.

Yehiya 8:16 ပူးပေါင်းရင်းမြစ်များ

Zaburey 98:9

I ma woo tee Abadantaa jine, zama a ga kaa ka laboo ciiti, a ga aduɲɲa ciiti nda šerretaray, a ga jamawey ciiti nda fondaa.

Zaburey 99:4

I ma Kokoyoo kaŋ ga baa šerretaray hinoo mo saabu. Ni no ma cimoo tabatandi, ni no ma cimi nda šerretaray tee Yakuba borey ra.

Yehiya 16:32

Nga ne, waatoo goo kaa, de mo waatoo kaa ka ben kaŋ ra war ga say-say, boro foo kul ga koy nga do, de war gʼay naŋ agay hinne, amma manʼti agay hinne no, zama Baabaa Irkoy goo ay bande.

Yehiya 8:29

Boraa kaŋ nʼay sanba goo ay bande, a manʼay naŋ agay hinne, zama agay, hayey kaŋ ga kan a se no ay gʼi tee waati kul.»

Teegoyey 17:31

zama a na zaari daŋ kaŋ ra boraa kaŋ a nʼa kayandi ga hima ka aduɲɲa kul ciiti nda šerretaray. A na tammaasa kaŋ ga kaaray kʼa cebe borey kul se kʼa tunandi bukawey ra.»

Bangandiroo 19:11

Woo banda ga, ay dii beenaa feeri, nga ne, bari kaaray foo ne, boraa kaŋ goo a boŋ [maaɲoo] ti Laadirantaa nda Cimikoynoo. A ga ciiti, a ga wongu nda šerretaray.

Samiyel 1na 16:7

Abadantaa nee Samiyel se: «Masi nga kunturoo wala nga kayyanoo guna, zama ay wanji a ga. Abadantaa laasaaboo nda adamize wanoo manʼti affoo. Adamize si haya guna kala nda tarayheroo, amma Abadantaa, bine no a gʼa guna.»