Yehiya 8:11 - Songhai de Gao Bible

¹¹ Woyoo nee: «Baffoo, ay Koyoo.» Isa nee: «Agay mo, ay si alhukum zurandi ni ga. Koy, amma hõ banda ga, masi yee ka zunubu tee.»]

Yehiya 8:11 ပူးပေါင်းရင်းမြစ်များ

Ayuba 34:31

Nda boro nee Irkoy se: ‹Ay nʼay zukandoo muɲe, ay si yee koyne ka ifutu tee.

Yaasawey 28:13

Boro kaŋ ga nga hooyaney tugu si koy jine, boro kaŋ yadda i ga, a nʼi naŋ, ga duu hinnari.

Luka 13:3

Ay ga nee war se, abada. Amma nda war mana tuubi, war kul ga halaci nda taka follokaa.

Luka 13:5

Ay ga nee war se, abada. Amma nda war mana tuubi, war kul ga halaci nda taka follokaa.»

Luka 15:10

Takaa din da, ay gʼa har war se, ɲaali ga tee Irkoy almalaykey nda cere game zunubante folloku kaŋ tuubi se.»

Luka 15:32

A nka tilasu ir ma hooray ka ɲaali, zama ni armaa woo nka buu ka huna. A nka dere ka duu ka duwandi.›»

Luka 15:7

Ay gʼa har war se, takaa din da, ɲaali ga tee beenaa ra zunubante folloku kaŋ tuubi se ka bisa boro woyyagga cindi yagga (99) šerrante kaŋ si too tuubiyan ga.»

Luka 5:32

Ya na kaa ka boro šerrantey cee, zunubantey no ay gʼi cee hala i ma tuubi.»

Luka 9:56

Woo banda ga, i koy cere bande koyra kanbe foo ra koyne.

Yehiya 18:36

Isa zaabi ka nee: «Ay Laamaa, manʼti aduɲɲa woo wane nda a. Nda a gar ay Laamaa, aduɲɲa woo wane nda a, ay tamey ga wongu hala ya si huru Alyahuudey kabey ra, amma sohõ da ay Laamaa, manʼti laboo woo wane nda a.»

Yehiya 3:17

Irkoy mana nga Izʼaroo sanba aduɲɲa ra hala a ma aduɲɲa ciiti, amma a nkʼa sanba a ma aduɲɲa hallasi.

Yehiya 5:14

Woo banda ga, Isa nʼa gar Irkoy hugu beeroo ra, a nee a se: «Nga ne, ni duu baani, masi zunubu tee koyne, haya masi koy duu ni kaŋ jaase ijinaa.»

Yehiya 8:15

War, adamizey takaa nda war ga ciiti, agay, ay si boro kul ciiti.

Rom borey batagaa 2:4

Ni mma Irkoy borohennataraa beeriyanoo, nda nga suuroo, nda nga batuyan kukoo kaynandi wala? Nʼsi bay kaŋ Irkoy borohennataraa mma ni tuti ma tuubi?

Korent borey bataga 1na 5:12

Adiši agay no ma taray borey ciiti wala? War, manʼti war borey no war gʼi ciiti?

Alhukumoo 16:18

«Ma alkaaliyaŋ nda goy juwalkawyaŋ gorandi koyrawey kul ra kaŋ Abadantaa, ni Koyoo gʼi noo ma ne, hugu ka koy hugu, i ma jamaa ciiti nda šerretaray.

Alhukumoo 17:9

Ma koy sargari juwalkey do kaŋ ti Lewi borey, nda alkaaloo kaŋ hanoo din goo nga goy zaarey ra, ma ceeci, de i ga takaa har ma ne kaŋ nda ciitoo dunbandi.

Piyer bataga 2to 3:15

War ma bay mo kaŋ ir Koyoo suuroo manʼti kala war hallasiyanoo se, sanda takaa kaŋ nda ir baakaa nda ir armaa Pol hantum nda lakkaloo kaŋ nondi a se.