Yehiya 4:36 - Songhai de Gao Bible

³⁶ hegaykaa ga duu banaw, a ga faari-izey marga hunayan abadantaa se. Woo ra boro hinkaa kaŋ ti dumakaa nda hegaykaa ga ɲaali cere bande.

Yehiya 4:36 ပူးပေါင်းရင်းမြစ်များ

Yaasawey 11:18

Boro laala ga nga boŋ noo alman kaŋ gʼa zanba, boro kaŋ ga šerretaray duma ga duu banaw cimi.

Yaasawey 11:30

Boro šerrante teegoyoo manʼti kala tuuri kaŋ ga hunayan noo, lakkalkoynoo ga duu borey.

Matiyu 19:29

De mo boro kul kaŋ na nga hugey naŋ, wala nga armey, wala nga woymey, wala nga baabaa, wala nga ɲaa, wala nga izey, wala nga faarey ay maaɲoo maaganda se, boraa ga duu nga cine zangu (100), a ga hunayan abadantaa tubu.

Yehiya 3:36

Boro kaŋ naanay Izʼaroo duu hunayan abadantaa, boro kaŋ na Izʼaroo kuta si kaa ka dii hunaroo, amma Irkoy futayyanoo ga cindi a ga.»

Yehiya 4:14

amma boro kaŋ na haroo haŋ kaŋ ay gʼa noo a se, šikka sii kaŋ a si jaw hala abada. Haroo kaŋ ay gʼa noo a se ga tee a ra isaɲaa kaŋ ga boosu hala hunayan abadantaa ra.»

Yehiya 5:24

Nda cimi, cimoo ne kaŋ ay gʼa har war se, boro kaŋ ga haŋajer ay šennoo se, de a naanay boraa kaŋ nʼay sanba, boraa ga duu hunayan abadantaa, a si ciitandi, amma a nka hun buuyan ra ka koy hunayan ra.

Rom borey batagaa 1:13

Agʼarmey, ay si baa war ma jaŋ ka bay kaŋ cee booboyaŋ ay kayandi ya koy war do, hala ya hin ka duu nafaw war game sanda takaa kaŋ nda ay duu a dumey jerey game, amma ya na duu fondo hala sohõ.

Rom borey batagaa 2:7

Borey kaŋ ga cindi goy henna teeyan ga, ka darža, nda beeray, nda hunaroo kaŋ si ben ceeci, i ga duu hunayan abadantaa.

Rom borey batagaa 6:22

Amma sohõ war sawalandi ka hun zunubu ra ka tee Irkoy baɲɲa, nafaa kaŋ war ga duu a ga war ka koy henanyan here, de benantaa manʼti kala hunayan abadantaa.

Rom borey batagaa 6:23

Zunubu banaa manʼti kala buuyan, amma Irkoy anneemaa nooyanoo kaŋ a gʼa noo yaada manʼti kala hunayan abadantaa kaŋ ga duwandi Almasihu Isa ir Koyoo albarkaa ra.

Korent borey bataga 1na 9:17

Nda ay gʼa tee nda ay boŋ, ay ga hima nda banaw, amma nda ay gʼa tee ba nda ay si baa, a mma tee goy kaŋ talfandi ay ga,

Korent borey bataga 1na 9:18

adiši macin ti ay banaa? Ay banaa manʼti kala ya Alhabar Boryaa har kʼa daŋ borey jine yaada, bila nda ya hayey ceeci kaŋ Alhabar Boryaa gʼi noo ya ne.

Tesalonik borey bataga 1na 2:19

May ti ir naataa, wala ir ɲaaloo, wala ir fuulaa kaŋ nda ir ga fooma? Ni bay war no, ir Koyoo Isa jine, nga kaayanoo ga?

Timote bataga 1na 4:16

Lakkal daŋ ni boŋ se nda ni cawandiyanoo se. Gaabandi hayey wey ga, zama nda nʼga woo tee, nʼga ni hunday nda borey kaŋ ga haŋajer ma ne hallasi.