Yehiya 3:34 - Songhai de Gao Bible

³⁴ Zama boraa kaŋ Irkoy nʼa sanba, Irkoy šenney no a gʼi har, zama Irkoy si nga Hundoo neeši kʼa noo.

Yehiya 3:34 ပူးပေါင်းရင်းမြစ်များ

Kokoyey 2to 2:9

Waatoo kaŋ i deŋ, Ilyasu nee Alyasu se: «Hayaa wiri ay ga kaŋ nʼga bagʼa, yʼa tee ma ne za ay mana zandi ka hun ni jere.» Alyasu zaabi ka nee: «Ay gʼa wiri ni ga, annabi hundoo kaŋ goo ni ga, baa hinka ma bara ay ga.»

Zaburey 45:7

Ya Irkoy, ni kokoy gorodogoo ga cindi abada hala abada, ni kokoytaraa goboo manʼti kala šerretaray gobu.

Sargarey 7:35

Woo ti bagaa kaŋ Haruna nda nga izʼarey ga duu a ngi yonyanoo se sargari tonantey ra Abadantaa maaɲoo ga, za hanoo kaŋ i ga man ka ngi sargari juwalyan goyoo tee Abadantaa maaɲoo ga.

Kabuyaney 11:25

Abadantaa zunbu kate duulaa ra ka šelaŋ a bande. Irkoy Hundoo kaŋ goo Musa ga, Abadantaa zaa a ra kʼa daŋ boro beeri woyyaa (70) ga. Za Hundoo huru i ga, i šintin ka annabitaray tee, amma manʼti waati kuku.

Matiyu 12:18

«Ay tamoo ne kaŋ ay nʼa suuba, ay baakaa kaŋ ay binoo ga hanse ka bagʼa. Ay gʼay Hundoo daŋ a ga, de a ga Irkoy šerretaraa har gandawey se.

Luka 4:18

«Ir Koyoo Hundoo goo ay ga. A nʼay suuba kʼay yon hala ya kate Alhabar Boryaa misikiiney se. A nʼay sanba hala ya kasa-izey feeriyanoo har i se, ya danawey moɲey hay, ya laazaabantey feeri,

Yehiya 1:16

Hayaa kaŋ nʼa too, ir kul duu a ra, anneema ka kaa anneema.

Yehiya 15:26

Waati kaŋ Faabakaa kaa kaŋ ay gʼa sanba war se ka hun Baabaa Irkoy do, nga ti Hundi cimikoynoo kaŋ ga hun Baabaa Irkoy do, a ga seedetaray tee ay ga.

Yehiya 16:7

Agay, ay ga cimoo har war se: A baa war se ya koy, zama nda ay mana koy, Faabakaa si kaa war do, amma nda ay koy, ay gʼa sanba war do.

Yehiya 3:17

Irkoy mana nga Izʼaroo sanba aduɲɲa ra hala a ma aduɲɲa ciiti, amma a nkʼa sanba a ma aduɲɲa hallasi.

Yehiya 5:26

Zama takaa kaŋ nda hunayan goo Baabaa Irkoy kone, takaa din da nda hunayan goo Izʼaroo mo kone.

Yehiya 7:16

Isa nʼi zaabi ka nee: «Manʼti agay wane nda hayaa kaŋ ay gʼa cawandi, boraa kaŋ nʼay sanba wane nda a.

Yehiya 8:40

Sohõ war ga ceeci kʼay wii, ka gar kaŋ agay ka cimoo har war se kaŋ ay maarʼa Irkoy do. Woo, Ibirahima manʼa tee.

Yehiya 8:47

Irkoy boro ga haŋajer Irkoy šenney se, woo se war si haŋajer, zama war manʼti Irkoy boro.»

Teegoyey 1:2

hala hanoo kaŋ ra a zandi ka koy beenaa ra. Amma za a mana zandi, a na Hundi Henanantaa ka diyawey yaamar kaŋ a nʼi suuba.

Teegoyey 10:38

Isa Nazaret boraa, takaa kaŋ nda Irkoy nʼa yon nda Hundi Henanantaa nda hini, nga kaŋ ga koy nongu nda nonguyaŋ ra ka teegoy henna tee, ka borey noo baani kaŋ Ibilisi nʼi daŋ nga hinoo cire, zama Irkoy goo a bande.

Rom borey batagaa 8:2

Zama Irkoy Hundoo hinoo kaŋ ga hunayan noo Almasihu Isa albarkaa ra na ni sawal ka ni kaa zunubu nda buuyan hinoo cire.

Efez borey batagaa 3:8

Agay kaŋ kacca nda Irkoy boro henanantey kul, anneemaa woo nondi ya ne ka Almasihu gomnoo beeriyanoo kaŋ si hin ka bayrandi ka ben har dumey kaŋ manʼti Alyahuudu se.

Kolos borey batagaa 1:19

A kan Irkoy se nga kul ma tabati a ra.

Kolos borey batagaa 2:9

Zama nga ra Irkoy na gaaham zaa ka goro nda nga azzaatoo kul.

Bangandiroo 21:6

A yee ka nee ya ne: «A tee ka ben, agay, agay ti Alfa nda Omega, maanaa šintinoo nda benantaa. Boro kaŋ ga jaw, ay gʼa noo a ma haŋ yaada hunaroo haroo dandidogoo ra.

Bangandiroo 22:1

Woo banda ga, almalaykaa na isa foo kaŋ nga haroo ga hunayan noo cebe ya ne. A ga nere ma nee tondi murmurante hay šenda, a si hun kala Irkoy nda Feeji-izoo kokoy gorodogoo ra.