Yehiya 3:26 - Songhai de Gao Bible

²⁶ I koy Yehiya do ka nee a se: «Rabbi, boraa kaŋ cindi ni bande Žurdeŋ isaa se banda, kaŋ ga nʼna seedetaray too, nga ne, a goo ma borey batize, de borey kul goo ma koy a do.»

Yehiya 3:26 ပူးပေါင်းရင်းမြစ်များ

Zaburey 65:2

Irkoy, nʼga hima nda saabu dooni kaŋ ga hun ma ne Siyoŋ koyraa ra nda ka hayey tee kaŋ allaahidoo zandi ma ne.

Waazukaa 4:4

Ay dii mo kaŋ boro ga nga boŋ farandi ka goy, ka goy ka boori, ka gar nga cinaa ga a ga canse. Woo mo sii nda addalil sanda hew gaarandiyan.

Matiyu 23:7

I ga baa borey ma ngi foo nda beeray farrey ra, adamizey ma nee ngi se Rabbi.

Matiyu 23:8

Amma war, war masi ciyandi nda Rabbi, zama boro folloku ti war alfagaa, de war kul ti cere armayaŋ.

Yehiya 1:15

Yehiya na seedetaray tee a ga ka kaati ka nee: «Woo ti boraa kaŋ ga ay nee: ‹Boraa kaŋ ga kaa ay dumaa ga nʼay jin ka kaa, zama a nʼay jin ka bara.›»

Yehiya 1:7

Nga ka kaa sanda seede ka seedetaray too gaayoo se hala nga bande, borey kul ma naanay.

Yehiya 1:9

Gaay alhakiikaa woo kaa aduɲɲa ra ka adamizey kul noo gaay.

Yehiya 11:48

Nda ir nʼa naŋ takaa woo, boraa kul ga kaa ka naanay a, Rom borey ga kaa kʼir dogoo nda ir gandaa taa.»

Yehiya 12:19

Fariziyeŋey nee cere se: «War ga dii kaŋ war si duu baffoo. Nga ne, aduɲɲa kul koy a bande.»

Yehiya 3:2

a kaa Isa do cijin here ka nee a se: «Rabbi, ir ga bay kaŋ cawandikaw ti ni kaŋ hun Irkoy do, zama boro kul si hin ka tammaasa kayfantey wey tee kaŋ ni goo mʼi tee nda manʼti Irkoy bara a bande.»

Yehiya 4:1

Kaŋ Isa bay kaŋ Fariziyeŋey maa kaŋ nga ga taalibi tee kʼi batize ka bisa Yehiya,

Yehiya 4:2

– woo gar manʼti Isa hunday no ma borey batize, nga taalibey no –

Yehiya 4:31

Waatoo woo, Isa taalibey nʼa suurandi ka nee: «Rabbi, ŋaa!»

Yehiya 5:33

War, war na boroyaŋ sanba Yehiya do, a na seedetaray tee cimoo ga.