Yehiya 21:16 - Songhai de Gao Bible

¹⁶ Cee hinkantoo, a nee koyne: «Simoŋ, Yehiya izʼaroo, nʼga baa agay wala?» A nee a se: «Ayyo, ay Koyoo, ni, nʼga bay kaŋ ay ga baa ni.» Isa nee a se: «Tee ay feejey kurkaa.»

Yehiya 21:16 ပူးပေါင်းရင်းမြစ်များ

Zaburey 100:3

War ma bay kaŋ Abadantaa ti Irkoy, nga kʼir tee, ir ti nga wane, ir ti nga jamaa, nga alman kuroo kaŋ a gʼa kur.

Zaburey 95:7

Zama nga ti ir Koyoo, ir ti jamaa kaŋ a gʼa kur, alman kuroo kaŋ kaboo gʼa gongu. Hõ, nda war ga maa Irkoy jindoo,

Matiyu 2:6

‹Ni, Betelehem kaŋ goo Žude gandaa ra, šikka sii kaŋ ni manʼti Žude koyra ɲaŋey kul ikaccaa, zama jineboro foo ga hun ni ra kaŋ gʼay jamaa Izirayel kur.›»

Matiyu 25:32

Gandawey kul ga marga a jine. A gʼi fay-fay, sanda takaa kaŋ nda kurkaw ga feejey fay kʼi kaa hanciney ra.

Matiyu 26:72

A žee ka yee kʼa yankar ka nee: «Ay si boraa woo bay.»

Luka 19:10

Zama Boro-izʼaroo nka kaa ka derantey ceeci kʼi hallasi.»

Yehiya 18:17

Koŋŋaa kaŋ ga hugoo miɲoo hawgay nee Piyer se: «Ni mo, ni goo aroo woo taalibey ra wala?» A nee: «Ay sii i ra.»

Yehiya 18:25

Simoŋ Piyer goo ma kay no din a ga cankan. I nee a se: «Ni mo, ni goo nga taalibey ra wala?» A nʼa yankar ka nee: «Ay sii i ra.»

Yehiya 21:17

A nee a se cee hinzantoo ra: «Simoŋ, Yehiya izʼaroo, nʼga baa agay wala?» Piyer binoo maray kaŋ hala cee hinza a ga nee nga se: «Nʼga baa agay wala?» A nee a se: «Ay Koyoo, ni, nʼga haya kul bay, nʼga bay kaŋ ay ga baa ni.» [Isa] nee a se: «Ay feejey kur.

Teegoyey 20:28

Wa war boŋ hawgay, war ma feeji kuroo kul hawgay kaŋ se Hundi Henanantaa na war tee jinehun, ka Irkoy Egilizoo kur kaŋ a nʼa day nda nga boŋ Izʼaroo kuroo.

Eberewey batagaa 13:20

Irkoy kaŋ ti Alaafiyakoyoo kaŋ na feeji kurkaw beeroo, ir Koyoo Isa tunandi ka hun bukawey ra amaana abadantaa kuroo albarkaa ra,

Piyer bataga 1na 2:25

Zama war cindi ka dere sanda feejiyaŋ», amma sohõ war yee kate kurkaa nda war hundey talfikaa do.

Piyer bataga 1na 5:2

wa Irkoy feeji kuroo kur kaŋ goo war kone. [Wʼi hawgay,] amma a masi tee sanda gaabi haya. Wʼa tee nda war boŋ, ka sawa nda Irkoy ibaayoo, a masi tee nooru baji se, a ma tee haya kaŋ war gʼa tee, zama a ga kan war se.

Bangandiroo 7:17

Zama Feeji-izoo kaŋ goo kokoy gorodogoo gamoo ra gʼi kur kʼi gongu ka koy hunaroo haroo dandidogey ra. Irkoy ga ngi moɲey mundawey kul tuusu.»