Yehiya 19:30 - Songhai de Gao Bible

³⁰ Waatoo kaŋ Isa na binegaroo taba, a nee: «Hayaa kul teendi.» Woo banda ga, a na nga boŋoo sinji, hundoo hun.

Yehiya 19:30 ပူးပေါင်းရင်းမြစ်များ

Šintinoo 3:15

Ay ga iberitaray daŋ ni nda woyoo game, ay gʼa daŋ ni hayroo nda nga hayroo game. A ga ni boŋoo motti, ni mo ga ceekoroo motti.»

Zaburey 22:15

Ay ga doo sanda hari, ay birey kul ga say-say, ay binoo ga hima nda suma, ma nee a mma menne ay ra.

Matiyu 20:28

Takaa din da Boro-izʼaroo mana kaa hala i ma alhaadimay nga se, amma a nka kaa ka alhaadimay, de mo ka nga hundoo noo hala boro boobo zunubey ma banandi kʼi hallasi.»

Matiyu 27:50

Isa yee koyne ka jinde jer ka kaati, hundoo hun.

Matiyu 3:15

De Isa nʼa zaabi ka nee: «Naŋ woo ma teendi sohõ, zama a tilasu ir ma Irkoy ibaayoo kul tee.» Yehiya nʼa naŋ a mʼa tee.

Marku 15:37

Isa na kaati beeri tee, de hundoo hun.

Luka 22:37

Zama ay ga war bayrandi kaŋ šennoo kaŋ hantumandi Citaaboo ra nee: ‹I nʼa kabu goy futu teekey ra.› Šennoo woo ga hima ka tabati ay ga, zama hayaa kaŋ hantumandi ay ga, ga tabati.»

Luka 23:46

Isa na jinde jer ka kaati ka nee: «Baaba Irkoy, ay gʼay hundoo daŋ ni kaboo ra kʼa talfi ni ga.» Kaŋ a na woo har ka ben, hundoo hun.

Yehiya 10:11

Agay, agay ti kurkaw hennaa. Kurkaw hennaa ga nga hundoo noo buuyan se feejey sabbu se.

Yehiya 10:18

Boro kul sʼa kaa ay ra, agay hunday no mʼa noo nda ay boŋ. Ay goo nda hini kʼa nondi, ay goo nda hini ka yee kʼa zaa. Woo ti yaamaroo kaŋ ay duu a ay Baabaa Irkoy ga.»

Yehiya 17:4

Ay na ni daržaa cebe laboo ga. Ay na goyoo benandi kaŋ nʼnʼa noo ya ne yʼa tee.

Yehiya 19:28

Woo banda ga, Isa kaŋ ga bay kaŋ hayey kul teendi ka ben, hala Citaaboo šennoo ma tabati, a nee: «Ay jaw.»

Yehiya 4:34

Isa nee i se: «Ay ŋaahayaa manʼti kala ya boraa kaŋ nʼay sanba ibaayoo tee, ka nga goyoo benandi.

Rom borey batagaa 10:4

Almasihu ti Musa ašariyaa guwoo, maanaa boro kul kaŋ naanay ga duu šerretaray.

Rom borey batagaa 3:25

Nga no Irkoy nʼa kayandi kʼa sanba kuroo ma tee sargari borey se kaŋ ga naanay a. A nʼa tee sargari ka nga šerretaraa cebe, zama zunubey kaŋ teendi ka bisa, a manʼi kabu

Korent borey bataga 1na 5:7

Wa dolobiri žeenaa warra ka war boŋ henanandi, hala war ma tee laajin taaga. Woo gar dolobiri sii war ra, zama Almasihu kaŋ ti ir Borcintaraa Feeji-izoo sargandi.

Filipi borey batagaa 2:8

A na nga boŋ yeeti ganda ka haŋajer hala buuyanoo ga, kanjandibundoo buuyanoo.

Eberewey batagaa 12:2

Ir mʼir moɲey kanji Isa ga kaŋ ti naanayyan koyoo, nga ti timmandikaa. Ɲaaloo kaŋ gʼa batu maaganda se, a yadda ka buu kanjandibundoo ga, a mana haawoo guna kaŋ goo a ra, a goo ma goro Irkoy kokoy gorodogoo kabe gumaa ga.

Eberewey batagaa 9:22

A ga himandi ašariyaa ra, haya kul si henanandi nda kala kuri, nda kuri mana mun, zunubu yaafayan sii no.