Yehiya 18:20 - Songhai de Gao Bible

²⁰ Isa nʼa zaabi ka nee: «Agay, ay šelaŋ kaaray aduɲɲa se. Waati kul ay ga cawandi margahugoo nda Irkoy hugu beeroo kaŋ ra Alyahuudey ga cere marga, de mo ya na haya kul har tuguyan ra.

Yehiya 18:20 ပူးပေါင်းရင်းမြစ်များ

Zaburey 22:22

Ay hallasi ganjihaylaa miɲoo ra nda ganjihawoo hilley ra! Nʼnʼay zaabi!

Zaburey 40:9

Ay Koyoo, a ga kan ya ne ya ni ibaayoo tee, ni ašariyaa goo ay gundoo ra.

Matiyu 24:26

Adiši nda i nee war se: ‹Nga ne saajoo ra›, war masi koy, ‹Nga ne hugoo kunehere›, war masi naanay.

Matiyu 26:55

Waatoo din Isa nee jamaa se: «War kaa ay ga nda takubayaŋ nda gobuyaŋ kʼay dii sanda zay beeri. Zaari kul ay ga goro ka cawandi Irkoy hugu beeroo ra, war mana bay kʼay dii.

Matiyu 26:65

Waatoo din sargari juwalkey jineboraa na nga darbawey kottu. A nee: «A na Irkoy wow! Cin no ir gʼa tee seede se koyne? Nga ne, sohõ war maa wowyanoo.

Matiyu 4:23

Isa dira Galile kul bande ka cawandi ngi margahugey ra. A ga Laamaa Alhabar Boryaa waazu. A na wircikoyni kul nda malalkoyni dumi kul noo baani alžamaa ra.

Matiyu 9:35

Isa dira koyrawey nda koyra kanbey kul bande, a ga cawandi margahugey ra, a ga Laamaa Alhabar Boryaa waazu. A ga wirci kul nda dori kul noo baani.

Marku 8:32

A na šennoo woo har i se kaaray. Piyer nʼa dii jere ga ka citi a ga.

Luka 21:37

Zaari here Isa goo Irkoy hugu beeroo ra, a ga cawandi, de cijin here a ga koy kani tondi hondoo boŋ kaŋ se i ga nee Zaytuɲaŋey tondi hondoo.

Luka 4:15

A ga cawandi ngey margahugey ra, de borey kul gʼa šifa.

Yehiya 18:21

Macin se nʼgʼay hãa? Borey hãa kaŋ maa hayaa kaŋ ay nʼa har. Nga ne, ngi, i ga hayey bay kaŋ ay nʼi har.»

Yehiya 6:59

Isa mana hayey wey cawandi kala Kaparnahum margahugoo ra.

Yehiya 7:14

Waatoo kaŋ jingaroo too nga gamoo ga ka ben no Isa žigi ka koy Irkoy hugu beeroo ra ka cawandi.

Yehiya 7:26

Nga ne, jamaa ra a ga šelaŋ, amma i si haya kul har a se. Alwakiiley bay nda cimi kaŋ boraa woo ti Almasihu?

Yehiya 7:28

Isa ga cawandi Irkoy hugu beeroo ra, a kaati ka nee: «War gʼay bay, war ga nongoo bay kaŋ ra ay hun? Ya na kaa nda ay boŋ, boraa kaŋ nʼay sanba ti cimi, war, war sʼa bay.

Yehiya 7:4

Zama boro kul si goy tuguyan ra nda a ga baa borey ma nga bay. Nda nʼga teegoyey wey tee, ni boŋ bayrandi aduɲɲa se.»

Yehiya 8:2

Subbaahi tayaa ra, a yee koyne Irkoy hugu beeroo ra, alžamaa kul koy a do. A goro kʼi cawandi.

Yehiya 8:26

Haya boobo goo ay kone kaŋ ay gʼa har war ga, nda ka war ciiti. Amma boraa kaŋ nʼay sanba ti cimi, de agay, woo kaŋ ay nʼa dii miɲoo ra, ay gʼa har aduɲɲa se.»

Teegoyey 26:26

Kokoyoo ga haya bay wey kul se. Ay gʼi har a se nda naanay, zama ay ga naanay ka bay kaŋ hayey wey ba affoo sʼa yena, i mana teendi tuguyan ra.