Yehiya 16:24 - Songhai de Gao Bible

²⁴ Hala sohõ war mana haya kul ŋaaray ay maaɲoo ga. Wa ŋaaray, war ga duu hala haya kul masi war ɲaaloo gaza.»

Yehiya 16:24 ပူးပေါင်းရင်းမြစ်များ

Šintinoo 32:9

A nee nga boŋ se: «Nda Eso kaŋ affoo boŋ kʼa kar, affaa kaŋ cindi ga hin ka hallasi.»

Kokoyey 1na 18:36

Taasu sargaroo kaayanoo waati, Ilyasu man kate, a nee: «Abadantaa, Ibirahima Koyoo, Isiyaka Koyoo, Izirayel Koyoo, hõ bayrandi kaŋ ni ti Irkoy Izirayel ra, kaŋ agay ti ni tamoo, kaŋ hayey wey mo kul ay manʼi tee nda kala ni yaamaroo.

Kokoyey 2to 19:15

A kay Abadantaa jine kʼa ŋaaray, a nee: «Abadantaa, Izirayel Koyoo kaŋ ga goro almalaykey kaŋ se i ga nee šerib boŋ, ni hinne ti laboo laamawey kul Koyoo, ni ka beenaa nda laboo tee.

Matiyu 6:9

War, takaa ne kaŋ nda war ma Irkoy ŋaaray: ‹Ir Baabaa Irkoy kaŋ goo beenaa ra, yala ni maaɲoo ma zandi sanda henanante,

Yehiya 14:1

Isa nee i se: «War biney masi hasara, wa naanay Irkoy, war ma naanay agay mo.

Yehiya 14:14

Nda war na haya wiri ay ga ay maaɲoo ga, agay, ay gʼa tee.»

Yehiya 15:11

Ay na hayey wey har war se hala ay ɲaaloo ma bara war ra, haya kul masʼa gaza.

Yehiya 16:23

Hanoo din, war sʼay hãa nda haya kul. Nda cimi, cimoo ne kaŋ ay gʼa har war se, haya kaŋ war nʼa ŋaaray Baabaa Irkoy ga ay maaɲoo ga, a gʼa noo war se.

Yehiya 3:29

Boraa kaŋ wane nda woyhiijoo manʼti kala aruhiijoo, amma aruhiijoo ceroo kaŋ goo jeroo ga, ga haŋajer a se, a ga hanse ka ɲaali nda aruhiijoo jindoo kaŋ se a ga maa. Woo ti ay ɲaaloo, haya kul sʼa gaza.

Tesalonik borey bataga 2to 1:2

[Ir] Baabaa Irkoy nda ir Koyoo Isa Almasihu anneemaa nda alaafiyaa ma kaa war ga.

Yehiya bataga 2to 1:12

Haya boobo goo no kaŋ ay baa yʼa hantum war se, ya na baa yʼa tee nda kaddaasu nda dawa. Amma ay ga tammahã ya koy war do, ir ma šelaŋ mee nda mee hala ir ɲaaloo ma timme.