Yehiya 16:20 - Songhai de Gao Bible

²⁰ Nda cimi, cimoo ne kaŋ ay gʼa har war se, war ga kaa ka hẽe ka yooyo, de aduɲɲa ga ɲaali. War, war biney ga kaa ka maray, amma war binemarayyanoo ga bere ka tee ɲaali.

Yehiya 16:20 ပူးပေါင်းရင်းမြစ်များ

Ayuba 20:5

boro futawey ɲaali kaatoo si kuu, boro kaŋ si hunbur Irkoy ɲaaloo si gay.

Zaburey 30:11

Haŋajer, Abadantaa, anneema tee ya ne! Abadantaa, ay faaba!»

Zaburey 30:5

Abadantaa ganakey, wa don a se, wa nga maa henanantaa saabu.

Zaburey 97:11

Gaay sayandi boro šerrante se, ɲaali sayandi borey se kaŋ biney ga šerre.

Matiyu 21:38

Amma kaŋ beerikey ga dii izʼaroo, i nee cere se: ‹Woo ti tubukaa. Wa kaa, ir mʼa wii, ir ma nga tubuhayaa taa.›

Matiyu 5:4

Borey duu gomni kaŋ ga hẽe, zama ngi, i ga kaa ka duu bineyaynay.

Marku 14:72

Dogoo din da gorgaa na nga ciyayan hinkantoo tee, de Piyer hongu šennoo kaŋ Isa nʼa har nga se: «Gorgaa si ciya cee hinka kaŋ nʼgʼay yankar cee hinza.» Woo banda ga, kul a bere ka hẽe.

Marku 16:10

Nga ka koy alhabaroo too borey do kaŋ bay ka cindi Isa bande. I cindi binemarayyan nda hẽeni ra.

Luka 22:45

Waatoo kaŋ a na Irkoy ŋaaray ka ben, a tun ka yee nga taalibey do, a nʼi gar i ga jirbi nda binemarayyan.

Luka 22:62

Woo banda ga, a fatta taray ka hẽe ka zana.

Luka 23:27

Alžama beeri hanga a nda woy booboyaŋ kaŋ ga hẽe, i ga zonkʼa ga.

Luka 24:17

A nee i se: «Macin ga war goo ma dira ka boyray?» I kay, biney maray.

Luka 24:21

Ir na jiti daŋ kaŋ nga no ma kaa ka Izirayel feeri. Amma woo kul, nga ne, jirbi hinzantoo ti woo kaŋ hayey wey teendi.

Luka 6:21

War kaŋ ti borey kaŋ ga heray sohõ da duu gomni, zama war ga kaa ka kungu. War kaŋ ti borey kaŋ ga hẽe sohõ da duu gomni, zama war ga kaa ka haaru.

Yehiya 16:33

Ay na wey har war se hala ay bande war ma duu alaafiyaa. War ga zarabi aduɲɲa ra, amma wa bine tee, agay, ay duu aduɲɲa ga hinay.»

Yehiya 16:6

Amma kaŋ se ay na woo har, nga se war biney hanse ka maray.

Yehiya 20:20

Kaŋ a na woo har, a na nga kabey nda nga caraa cebe i se. Taalibey ɲaali nda ir Koyoo diiroo.

Teegoyey 5:41

I hun hoyraykey margaroo jine nda ɲaali haya kaŋ se ngi ciitandi ka kaynandi Isa maaɲoo se.

Rom borey batagaa 5:11

Manʼti woo hinne, ir ga bolsay nda Irkoy, ir Koyoo Isa Almasihu albarkaa, nga kaŋ sohõ a nʼir nda Irkoy waafakandi.

Korent borey bataga 2to 6:10

I gʼir dii sanda boroyaŋ kaŋ biney maray, ka gar waati kul ir ga ɲaali, sanda talkayaŋ, amma ir ga boro boobo tee almankoyni, sanda boroyaŋ kaŋ sii nda baffoo, ka gar ir goo nda haya kul.

Galati borey batagaa 5:22

Amma hayaa kaŋ Irkoy Hundoo gʼa hay ti: baji, ɲaali, alaafiya, suuri, borohennataray, binehennay, allaahidutaray,

Tesalonik borey bataga 1na 1:6

War tee ir dendenkey, war tee ir Koyoo dendenkey, takaa kul kaŋ nda war hanse ka zarabi, war yadda šennoo ga nda ɲaali kaŋ hun Hundi Henanantaa do.

Žak batagaa 1:2

Agʼarmey, siiyan dumi-dumey kaŋ duu war, wʼi dii sanda ɲaali de,

Žud batagaa 1:24

Boraa kaŋ ga hin ka war dii war masi kaŋ, ka war kayandi bila laybu nga daržaa ra nda ɲaaliyan,

Bangandiroo 11:10

Woo kaŋ duu ey kan laboo gorokey se, i ɲaali, i ga gomniyaŋ sanba cere se, zama annabi hinkaa woo nka laboo gorokey zarabi.

Bangandiroo 18:7

Takaa kaŋ nda a na nga boŋ noo darža ka addahar, wʼa noo woo din hinnaa hottay nda binehẽeni. Zama a ga nee nga boŋ se: ‹Ay ga goro sanda kokoy woy, ay manʼti woy kaŋ kurɲoo buu, ay si buuyan batu marga abada.›