Yehiya 15:7 - Songhai de Gao Bible

⁷ Nda war duumi ay ra, ay šenney duumi war ra, wa haya ŋaaray kaŋ war ga baa, a ga teendi war se.

Yehiya 15:7 ပူးပေါင်းရင်းမြစ်များ

Kokoyey 1na 3:5

Gabawoŋ din ra, Abadantaa na nga boŋ cebe Sulaymaana se cijin here handiri ra. Irkoy nee: «Hayaa wiri ay ga kaŋ ni baa, ay gʼa noo ma ne.»

Ayuba 22:26

Woo ra nʼga duu ɲaali Hini-kul-koyoo ra, nʼga ni ndumoo jer Irkoy here.

Ayuba 23:12

Ya na hibi nga miɲoo yaamarey ga, ay na nga miɲoo šenney dii ka bisa ay boŋ waney.

Zaburey 119:11

Ay ga ni meešennoo jisi ay binoo ra hala ya si duu ka zunubu tee ni ga.

Zaburey 37:4

Ma ɲaali nda Abadantaa, a ga ni noo woo kaŋ ni binoo ga bagʼa.

Yaasawey 10:24

Woo kaŋ boro futu ga hunbur a, nga no ma duu a, amma woo kaŋ boro šerrante ga bagʼa ga nondi a se.

Yaasawey 4:4

Ay baabaa gʼay cawandi, a nee ya ne: «Ni binoo ma gaabu ay šenney ga. Ay yaamarey dii, ma huna.

Matiyu 7:7

«Wa Irkoy ŋaaray, a ga war noo, wa ceeci, war ga duu, wa kara-kara, a ga feera war se.

Yehiya 14:13

de mo haya kul kaŋ war nʼa ŋaaray ay maaɲoo ga, ay gʼa tee, hala Baabaa Irkoy ma jeerandi Izʼaroo ra.

Yehiya 15:16

Manʼti war kʼay suuba, amma agay ka war suuba ka war daŋ hala war ma koy, war ma hin ka izeyaŋ tee sanda tuuri kabe, war izey ma duumi hala haya kaŋ war nʼa wiri Baabaa Irkoy ga ay maaɲoo ga, a mʼa noo war se.

Yehiya 16:23

Hanoo din, war sʼay hãa nda haya kul. Nda cimi, cimoo ne kaŋ ay gʼa har war se, haya kaŋ war nʼa ŋaaray Baabaa Irkoy ga ay maaɲoo ga, a gʼa noo war se.

Yehiya 8:31

Isa nee Alyahuudey se kaŋ ga naanay a: «Nda war duumi ay šennoo ra, nda cimi ay taalibey ti war.

Yehiya 8:37

Ay ga bay kaŋ Ibirahima hayroo ti war, amma war ga ceeci kʼay wii, zama ay šennoo si tee war se.

Galati borey batagaa 4:2

A sii kala boroyaŋ cire kaŋ ga huga nda nga nda nga jinawey hala waatoo kaŋ baaboo na kayandi ga.

Galati borey batagaa 5:16

Hayaa kaŋ ay ga baa yʼa bayrandi war se manʼti kala war ma dira Irkoy Hundoo bande, nga ra war si dira nda hundi-ibaayi boonawey.

Alhukumoo 6:6

Šenney wey kaŋ ay gʼi har ma ne hõ ma cindi ni binoo ra.

Kolos borey batagaa 3:16

Almasihu šennoo ma harandi war game nda booboyan. War ma cere cawandi ka cere hoyray nda lakkal beeri. War ma don Irkoy se nda war biney kul nda albarka daŋyan lakkal, ka don kʼa jer, nda saabuyaŋ, nda dooniyaŋ kaŋ Irkoy Hundoo gʼi noo.

Yehiya bataga 1na 2:14

Zanka kaccey, ay hantum war se, zama war ga Baabaa Irkoy bay. Baabey, ay hantum war se, zama war ga Boraa bay kaŋ ga bara za šintinoo ga. Aru soogey, ay hantum war se, zama war ga gaabi, Irkoy meešennoo ga duumi war ra, de mo war hin boro laalaa kaŋ ti Ibilisi.

Yehiya bataga 1na 2:27

War, yonyanoo kaŋ war duu a a ga, ga duumi war ga, a si too boro ma war cawandi. Zama yonyanoo ga haya kul cawandi war se, cimi no, a si taari, takaa kaŋ nda a na war cawandi, war ga duumi Almasihu ra.

Yehiya bataga 1na 3:22

Haya kul kaŋ ir nʼa wiri, ir ga duu a a ga, zama ir ga nga yaamarey dii, de ir ga hayey tee kaŋ ga kan a se.

Yehiya bataga 1na 5:14

Lakkalkanaa kaŋ goo ir se Irkoy jine manʼti kala nda ir na haya wiri a ga ka sawa nda nga ibaayoo, a ga haŋajer ir se.