Yehiya 14:9 - Songhai de Gao Bible

⁹ Isa nee a se: «Alwaatoo kul kaŋ ay nʼa tee war bande, manʼay bay, Filip? Boro kaŋ dii agay, a dii Baabaa Irkoy. Taka foo nʼga nee: ‹Baabaa Irkoy cebe ir se›?

Yehiya 14:9 ပူးပေါင်းရင်းမြစ်များ

Šintinoo 26:9

Abimelek ciya Isiyaka se, a nee: «Šikka sii kaŋ woyoo woo ni wandoo no. Taka foo nda nʼga yadda ka nee ni woymaa no?» Isiyaka nʼa zaabi ka nee: «Ya nkʼa har ya si koy buu nga maaganda se.»

Zaburey 11:1

Donkey boŋkoynoo ka woo don. Woo ti Dawda zabur foo. Abadantaa ra ay ga duu nongu kaŋ ra ay gʼay boŋ talfi. Taka foo nda war ga hin ka nee ya ne: «Koy tondi hondoo ra sanda ciraw?»

Marku 9:19

Isa zaabi ka nee i se: «Dumi kaŋ si naanay, hala waati foo no ay ga hima ka cindi war bande? Hala waati foo no ay ga hima ka war suuri? Wa kate zankaa ya ne.»

Luka 12:56

Almunafikey! War ga wan ka beenaa nda laboo alhaaley kaa cere ra, taka foo nda war si wan ka zamanoo woo bay?»

Yehiya 1:14

Šennoo tee boro, a goro ka waati tee ir game. Ir na nga daržaa guna sanda Izʼaru bajja folloku daržaa kaŋ hun Baabaa Irkoy do. A ga too nda anneema nda cimi.

Yehiya 10:30

Agay nda Baabaa Irkoy, ir ti affoo.»

Yehiya 12:45

Boro kaŋ dii agay, boraa kaŋ nʼay sanba no a dii a.

Yehiya 14:20

Hanoo din, war ga bay kaŋ ay goo ay Baabaa Irkoy ra, de war, war goo ay ra, agay, ay goo war ra.

Yehiya 14:7

Nda war nʼay bay, war gʼay Baabaa Irkoy mo bay. Za sohõ war gʼa bay, war dii a.»

Yehiya 8:19

I nee Isa se: «Man ni Baabaa?» Isa zaabi ka nee: «War sʼay bay, war sʼay Baabaa bay. Nda a gar war mmʼay bay, war gʼay Baabaa mo bay.»

Korent borey bataga 1na 15:12

Nda ir ga waazu kaŋ Almasihu tun bukawey ra, taka foo nda war affooyaŋ ga nee kaŋ bukawey tunyanoo si bara?

Filipi borey batagaa 2:6

nga kaŋ nga nda Irkoy ga hima, a mana ceeci nga ma sawa nda Irkoy nda gaabi.

Kolos borey batagaa 1:15

Almasihu manʼti kala Irkoy kaŋ boro si dii a biyoo, nga ti ijinaa, a bisa takahayey kul,

Eberewey batagaa 1:3

Izʼaroo din manʼti kala Irkoy daržaa nereyanoo, nga ti hayaa kaŋ ti Irkoy zaati. A ga haya kul dii nda nga šenni gaabantaa. Waatoo kaŋ a na adamizey henanandi ngi zunubey ra ka ben, a goro Koy Jerantaa kabe gumaa ga beene nongey ra.

Yehiya bataga 1na 5:20

Amma ir ga bay kaŋ Irkoy Izʼaroo kaa, a nʼir noo lakkal hala ir ma Cimikoynoo bay, Cimikoynoo da bande ir goo, maanaa nga Izʼaroo Isa Almasihu. Nga ti Irkoy cimikoynoo, nga ti hunayan abadantaa.