Yehiya 14:18 - Songhai de Gao Bible

¹⁸ Ay si war naŋ sanda alyatimyaŋ, ay goo kaa war do.

Yehiya 14:18 ပူးပေါင်းရင်းမြစ်များ

Zaburey 101:2

Ay ga gaabandi ka dira fondo šerrante ra. Waati foo no nʼga kaa ay do? Ay ga dira nda bine henanante ay borey game.

Zaburey 23:4

Ba nda ay ga dira gooroo ra kaŋ ra buuyan biyoo goo, ay si hunbur haya kul, zama ni goo ay bande, ni kurkaw goboo nda ni kabe goboo gʼay noo lakkalkanay.

Matiyu 18:20

Zama nongu kaŋ ra boro hinka wala ihinza marga ay maaɲoo se, ay goo gamey ra.»

Matiyu 28:20

kʼi cawandi i ma hayey kul dii kaŋ nda ay na war yaamar. Nga ne, ay goo war bande zaari kul hala zamanoo benantaa ga.»

Yehiya 14:16

De agay, ay ga Baabaa Irkoy ŋaaray a ma war noo Faabakaw tana hala a ma cindi war bande abada.

Yehiya 14:3

De waati kaŋ ay koy, ay ga doo hanse war se, ay ga yee kate, ay ga war zaa ay bande hala nongu kaŋ ra agay, ay goo, war mo ma bara a ra.

Yehiya 16:16

«Ne nda kayna war si yee ka dii agay, ne nda kayna koyne, war ga dii agay.»

Yehiya 16:33

Ay na wey har war se hala ay bande war ma duu alaafiyaa. War ga zarabi aduɲɲa ra, amma wa bine tee, agay, ay duu aduɲɲa ga hinay.»

Tesalonik borey bataga 2to 2:16

Ir Koyoo Isa Almasihu hunday nda ir Baabaa Irkoy kaŋ baa ir, de a nʼir noo bineyaynay abadante nda naata henna nga anneemaa albarkaa ra

Eberewey batagaa 2:18

Zama Isa hunday zarabi, a siyandi, woo se a ga hin ka borey kaŋ goo ma siyandi faaba.