Yehiya 13:17 - Songhai de Gao Bible

¹⁷ Nda war ga hayey wey bay, war ga duu gomni nda war gʼi tee.

Yehiya 13:17 ပူးပေါင်းရင်းမြစ်များ

Šintinoo 6:22

Hayey kul kaŋ Irkoy nʼi har, Nuhu nʼi tee. A nʼi tee nda takaa kaŋ nda Irkoy nʼa yaamar.

Zaburey 19:11

Ngi alkadaroo bisa wura, ba wura alhakiika, i ga kan nda yuu, ba yuwoo kaŋ ga doo ka hun ayu tejoo ra.

Fattaroo 40:16

Musa na hayey kul tee nda takaa kaŋ nda Abadantaa nʼa yaamar. A nʼa tee nda takaa din da.

Yaasawey 29:18

Nda bangayyan sii no, jamaa ga taŋandi, boraa duu gomni kaŋ ga ašariyaa dii.

Matiyu 12:50

Zama boro kul kaŋ gʼay Baabaa Irkoy kaŋ goo beenaa ra ibaayoo tee, boraa din ti agʼarmaa, nga ti ay woymaa, nga ti ay ɲaa.»

Luka 11:28

Amma Isa nʼa zaabi ka nee: «Gomni sii kala borey se kaŋ ga haŋajer Irkoy meešennoo se, de i ga gaabu a ga.»

Yehiya 15:14

Ay cerey ti war nda war ga hayey tee kaŋ ay gʼi ka war yaamar.

Rom borey batagaa 2:13

Irkoy do manʼti borey kaŋ ga haŋajer ašariyaa se ti boro šerrante, amma borey kaŋ gʼa ka goy ti boro šerrante.

Galati borey batagaa 5:6

Almasihu Isa bande, hurubanguyan wala hurubanguyan jaŋay kul sii nda alfayda. Naanaa kaŋ ga goy baji ra bara nda alfayda.

Žak batagaa 1:25

Amma boro kaŋ na ašariya timmantaa kaŋ ga sawalandi guna boryo, a duumi a ra, a mana tee haŋajerkaw dirɲante, a gʼi ka goy, boraa ga duu gomni nga goyey ra.

Žak batagaa 4:17

Boro kaŋ ga wan ka ihenna tee, de a manʼa tee, boraa na zunubu tee.

Bangandiroo 22:14

Borey duu gomni kaŋ ga ngi darbay beerey ɲumay, woo ra i ga duu fondo ka ŋaa tuuroo kaŋ ga hunayan noo izey ra, i ga huru koyraa ra nda koyraa miɲey.