Yehiya 11:3 - Songhai de Gao Bible

³ Woymey sanba Isa do ka nee: «Ir Koyoo, nga ne, ni baakaa ga wirci.»

Yehiya 11:3 ပူးပေါင်းရင်းမြစ်များ

Šintinoo 22:2

Irkoy nee a se: «Ni izʼaroo zaa, ni ize bajja follokaa Isiyaka kaŋ nʼga hanse ka bagʼa. Fatta ka koy gandaa ra kaŋ se i ga nee Moriya, no din ra ay ga tondi hondu foo silbay ma ne, tondi hondoo din boŋ mʼa tee ya ne sargari kukurante.»

Zaburey 16:3

Irkoy boro henanantey kaŋ goo gandaa ra, ngi ti boro alkadarantey, ngi ti ay ɲaaloo.

Luka 7:13

Kaŋ ir Koyoo dii woyoo, kul a hanse ka hinna a se, a nee woyoo se: «Masi hẽe.»

Yehiya 11:1

Aru foo kaŋ maaɲoo ti Lazar, a cindi ka wirci, Betani boro no kaŋ ti Maryama nda Mart nga woymaa koyraa.

Yehiya 11:11

Woo no Isa nʼa har. Woo banda ga, a nee i se: «Lazar, ir ceroo nka jirbi, amma ay ga koy hala yʼa tunandi jirboo ra.»

Yehiya 11:2

Maryama kaŋ nʼir Koyoo yon nda turaari ka nga hinbirey ka cewey tuusu, nga no nga armaa Lazar wirci.

Yehiya 11:21

Mart nee Isa se: «Ay Koyoo, nda a gar ni mma bara ne, agʼarmaa si buu,

Yehiya 11:36

Alyahuudey nee: «Guna takaa kaŋ nda a ga bagʼa.»

Yehiya 11:5

A gar Isa ga baa Mart, nda nga woymaa Maryama, nda Lazar.

Yehiya 13:13

War, war ga nee ya ne ‹Alfagaa› nda ‹Koy›, war šelaŋ ka boori, zama nga ti agay.

Yehiya 13:23

Nga taalibey affoo, woo kaŋ Isa ga bagʼa, goo ŋaadogoo ra Isa gandey here.

Timote bataga 2to 4:20

Erast cindi Korent. Ay na Trofim naŋ a ga wirci Mile.

Bangandiroo 3:19

Agay, borey kaŋ ay ga bagʼey, ay ga gʼi aladabu, ay gʼi daŋ fondaa ra. Tee boro kaŋ ga koron, ma tuubi.