Yehiya 1:49 - Songhai de Gao Bible

⁴⁹ Nataniyel nʼa zaabi ka nee: «Rabbi, Irkoy Izʼaroo ti ni, Izirayel kokoyoo ti ni.»

Yehiya 1:49 ပူးပေါင်းရင်းမြစ်များ

Zaburey 110:1

Woo ti Dawda zabur foo. Abadantaa ka šelaŋ ay Koyoo se ka nee: «Goro ay kabe gumaa here, hala waati kaŋ ra ay na ni iberey tee ni cee-jisidogoo.»

Zaburey 2:6

«Agay hunday no kʼay kokoyoo gorandi Siyoŋ tondi hondu henanantaa ga.»

Matiyu 14:33

Borey kaŋ goo hiyoo ra sujudu Isa jine ka nee: «Nda cimi, Irkoy Izʼaroo ti ni.»

Matiyu 2:2

i nee: «Man Alyahuudey kokoyoo kaŋ hayandi? Ir dii nga handaraa waynahunay. Ir kaa ka sujudu a se.»

Matiyu 21:5

«Wa nee woy-izoo kaŋ ti Siyoŋ koyraa se: ‹Ni kokoyoo ne ma kaa ni ga, binoo ga yay, a žigi farkaa woy nda farka-ize boŋ, adabba kaarumay izʼaru.›»

Matiyu 23:7

I ga baa borey ma ngi foo nda beeray farrey ra, adamizey ma nee ngi se Rabbi.

Matiyu 23:8

Amma war, war masi ciyandi nda Rabbi, zama boro folloku ti war alfagaa, de war kul ti cere armayaŋ.

Matiyu 27:11

I na Isa ka koy goforneroo jine. Goforneroo nʼa hãa ka nee: «Ni ti Alyahuudey kokoyoo wala?» Isa nee: «Ni hunday kʼa har.»

Matiyu 27:42

«A na boroyaŋ hallasi, a si hin ka nga boŋ hallasi. Izirayel kokoyoo no, a ma zunbu sohõ da kanjandibundoo ga, woo ra ir ga naanay a.

Matiyu 4:3

Siiyakaa man a ka nee a se: «Nda Irkoy Izʼaroo ti ni, nee tondey wey ma bere ka tee takula.»

Marku 15:32

Almasihu, Izirayel kokoyoo ma zunbu sohõ da kanjandibundoo ga, woo ra ir ga dii nga hinoo ka naanay.» Borey kaŋ kanjandi Isa bande mo gʼa wow.

Luka 1:35

Almalaykaa nʼa zaabi ka nee: «Hundi Henanantaa ga kaa ni ga, Koy Jerantaa gaaboo ga nga biyoo ka ni gum. Woo se ize henanantaa kaŋ ga hayandi ga ciyandi Irkoy Izʼaroo.

Luka 19:38

I nee: «Albarka ma bara kokoyoo se kaŋ goo kaa ir Koyoo maaɲoo ga. Alaafiyaa ma bara beenaa ra, daržaa ma tee beenaa se beene!»

Yehiya 1:18

Boro sii no kaŋ bay ka dii Irkoy. Izʼaru follokaa kaŋ goo Baabaa Irkoy binoo ra, nga ti boraa kaŋ nʼa bayrandi.

Yehiya 1:34

Agay, ay dii a, ay na seedetaray too kaŋ nga ti Irkoy Izʼaroo.»

Yehiya 1:38

Isa ɲeli, a dii kaŋ i hanga nga bande, a nee i se: «Macin no war ga ceeci?» I nee a se: «Rabbi, – kaŋ maanaa ti ‹Alfagaa› – man ra ni goo nda goray?»

Yehiya 1:50

Isa nʼa zaabi ka nee: «Zama ay nee ay dii ni jeejayɲaŋoo cire, nga se nʼga naanay wala? Nʼga kaa ka dii haya kaŋ bisa woo.»

Yehiya 18:37

Pilat nee a se: «Adiši kokoy ti ni?» Isa zaabi ka nee: «Ni hunday kʼa har kokoy ti agay. Hayaa kaŋ se ay hayandi, hayaa kaŋ se ay kaa aduɲɲa ra, manʼti kala ka seedetaray tee cimoo ga. Boro kul kaŋ ti cimoo wane ga haŋajer ay šennoo se.»

Yehiya 4:31

Waatoo woo, Isa taalibey nʼa suurandi ka nee: «Rabbi, ŋaa!»