Yehiya 1:41 - Songhai de Gao Bible

⁴¹ Andere jin ka dii nga armaa gundoo Simoŋ ka nee a se: «Ir dii Isuubantaa» kaŋ maanaa ti «Almasihu».

Yehiya 1:41 ပူးပေါင်းရင်းမြစ်များ

Kokoyey 2to 7:9

Woo banda, jiraykoyney nee cere se: «Woo kaŋ ir goo mʼa tee si boori. Alhabar boryo goo ir kone hõ kaŋ ir ga hima kʼa har. Nda ir dangay ka batu hala suba subbaahi kʼa har, ir ga duu zukandiyan. Sohõ ir ma huru koyraa ra ka koy šennoo har kokoyoo hugoo se.»

Zaburey 2:2

Laboo kokoyey ga soolu wongu se. Boŋkoyney ga cere marga ka tee affoo Abadantaa ga nda nga suubantaa kaŋ yonandi ga.

Zaburey 45:7

Ya Irkoy, ni kokoy gorodogoo ga cindi abada hala abada, ni kokoytaraa goboo manʼti kala šerretaray gobu.

Zaburey 89:20

Waatoo din nʼga šelaŋ ni ganakey se bangayyan ra, nʼga nee: «Ay na wongaari faaba, ka zankaaru jer jamaa game.

Matiyu 1:23

«Nga ne, hondiyaa ga gunde zaa, a ga izʼaru hay, i ga maaɲoo daŋ Emanuwel» kaŋ maanaa ti «Irkoy goo ir gamey ra».

Luka 2:17

Waatoo kaŋ i dii a, i na hayaa filla kaŋ harandi ngi se zanka kaccaa woo ga.

Luka 2:38

Nga mo kaa waatoo din da, a ga albarka tee Irkoy se, de a ga zankaa šennoo har borey kul se kaŋ ga Žerizalem sawalyanoo batu.

Yehiya 1:45

Filip dii Nataniyel, a nee a se: «Ir duu boraa kaŋ ga Musa hantum ašariyaa ra, annabey mo šelaŋ a ga kaŋ ti Isa, Isufi Nazaret boraa, izoo.»

Yehiya 4:25

Woyoo nee a se: «Ay ga bay kaŋ Isuubantaa kaŋ se i ga nee Almasihu ga hima ka kaa. Nda nga woo kaa, a ga haya kul bayrandi ir se.»

Teegoyey 10:38

Isa Nazaret boraa, takaa kaŋ nda Irkoy nʼa yon nda Hundi Henanantaa nda hini, nga kaŋ ga koy nongu nda nonguyaŋ ra ka teegoy henna tee, ka borey noo baani kaŋ Ibilisi nʼi daŋ nga hinoo cire, zama Irkoy goo a bande.

Teegoyey 4:27

Zama nda cimi, koyraa woo ra ni tam henanantaa kaŋ ti Isa kaŋ nʼnʼa yon kʼa tee Almasihu ga Herod, nda Pons Pilat mo, nda gandawey, nda Izirayel jamaa marga

Yehiya bataga 1na 1:3

woo kaŋ ir dii a, ir maarʼa, ir gʼa har war se hala war mo, war ma huru ir margaroo ra. Ir margaroo manʼti kala Baabaa Irkoy, nda nga Izʼaroo Isa Almasihu margaroo.