Yehiya 1:14 - Songhai de Gao Bible

¹⁴ Šennoo tee boro, a goro ka waati tee ir game. Ir na nga daržaa guna sanda Izʼaru bajja folloku daržaa kaŋ hun Baabaa Irkoy do. A ga too nda anneema nda cimi.

Yehiya 1:14 ပူးပေါင်းရင်းမြစ်များ

Zaburey 2:7

Ay ga Abadantaa yaamaroo har, a nee ya ne: «Ay izʼaroo ti ni, agay ka ni hay hõ.

Zaburey 45:2

Ay binoo ga too nda šenni henna. Ay nee: «Ay dooni fayyaney hantumey manʼti kala kokoyoo wane!» Yala ay deenoo ma tee hantumkaw henna kalamoo!

Zaburey 85:9

Ay ga haŋajer woo kaŋ Irkoy Abadantaa gʼa har se, zama a si šelaŋ kala nga jamaa nda nga ganakey alaafiyaa se, amma i masi willi ka tee lakkal jaŋante.

Matiyu 1:16

Yakuba na Isufi hay. Isufi ti Maryama kurɲoo. Maryama ga Isa hun kaŋ se i ga nee Almasihu.

Luka 2:11

Hõ Dawda koyraa ra, Hallasikaw hayandi war se kaŋ ti ir Koyoo Almasihu.

Luka 2:7

A duu izʼaru, nga gunde jinaa. A na zanka taanaa didiji zaara ra, de a nʼa kanandi alman ŋaa jinay foo ra, zama i mana duu doo yawzunbu hugoo ra.

Luka 9:32

Woo gar kaŋ Piyer nda nga hangasiney jirbi guusa nʼi dii. Kaŋ i tun i dii Isa daržaa nda aru hinka kaŋ ga kay a bande.

Yehiya 1:1

Hayey kul šintinoo ga, Šennoo ga bara. Šennoo goo Irkoy bande, Šennoo ti Irkoy.

Yehiya 11:40

Isa nee a se: «Ay mana nee ma ne kaŋ nda ni naanay, nʼga dii Irkoy daržaa?»

Yehiya 14:6

Isa nee a se: «Agay, agay ti fondaa, nda cimoo, nda hunaroo. Boro kul si too Baabaa Irkoy do nda manʼti nda agay.

Yehiya 14:9

Isa nee a se: «Alwaatoo kul kaŋ ay nʼa tee war bande, manʼay bay, Filip? Boro kaŋ dii agay, a dii Baabaa Irkoy. Taka foo nʼga nee: ‹Baabaa Irkoy cebe ir se›?

Yehiya 17:22

Agay, ay nʼi noo daržaa kaŋ nʼnʼa noo ya ne, hala i ma tee affoo sanda takaa kaŋ nda ir ti affoo.

Yehiya 17:24

Baabaa Irkoy, borey kaŋ nʼnʼi noo ya ne, ay si baa kala nongu kaŋ ra agay, ay goo, ngi mo ma bara ay bande hala i ma dii ay daržaa, woo kaŋ nʼnʼa noo ya ne, zama ni baa agay za aduɲɲa mana daara.

Yehiya 18:37

Pilat nee a se: «Adiši kokoy ti ni?» Isa zaabi ka nee: «Ni hunday kʼa har kokoy ti agay. Hayaa kaŋ se ay hayandi, hayaa kaŋ se ay kaa aduɲɲa ra, manʼti kala ka seedetaray tee cimoo ga. Boro kul kaŋ ti cimoo wane ga haŋajer ay šennoo se.»

Yehiya 2:11

Isa tammaasa kayfantey ijinaa ti woo kaŋ a nʼa tee Kana ra kaŋ goo Galile. A na nga daržaa bangandi, de nga taalibey naanay a.

Yehiya 3:16

Zama Irkoy hanse ka baa aduɲɲa, a na nga Izʼaru bajja follokaa nondi hala boro kul kaŋ naanay a masi halaci, a ma duu hunayan abadantaa.

Yehiya 3:18

Boro kaŋ naanay a si ciitandi, amma boro kaŋ si naanay, ciitandi ka ben, zama a mana naanay Irkoy Izʼaru follokaa maaɲoo.

Yehiya 6:51

Agay, agay ti ŋaahaya hunantaa kaŋ zunbu ka hun beenaa ra. Boro kaŋ ŋaa ŋaahayaa woo ra, a ga huna hala abada. Ŋaahayaa kaŋ agay, ay gʼa noo manʼti kala ay hamoo kaŋ ay gʼa noo aduɲɲa hunaroo se.»

Yehiya 8:32

Woo ra war ga cimoo bay, de cimoo ga war sawal.»

Teegoyey 13:33

Irkoy nʼa tabatandi ir se kaŋ ti ngi izey ka Isa sanba. Sanda takaa kaŋ nda a hantumandi Zabur hinkantoo ra ka nee: ‹Ay Izʼaroo ti ni, agay ka ni hay hõ.›

Rom borey batagaa 8:3

Hayaa kaŋ Musa ašariyaa mongu kʼa tee gaaham gaabi jaŋaa se, Irkoy nʼa tee. A na nga Izʼaru gundoo sanba ir gaaham zunubantaa cine ra, zunubu maaganda se a na zunubu zukandi nga Izʼaroo hamoo ra,

Rom borey batagaa 9:5

I hun ir baabaa jina-jinawey ga, Almasihu mo mana hun kala ngi ga gaaham here, Irkoy kaŋ goo haya kul boŋ, albarka ma bara a ga hala abada. Amin.

Korent borey bataga 1na 15:47

Adama jinaa kaŋ zandi labuhamnoo ra sii kala laboo ga, Adama hinkantoo mana hun kala beenaa ra.

Korent borey bataga 2to 12:9

A nee ya ne: «Agay anneemaa ga ni wasa, zama gaabi jaŋay ra ay hinoo ga diyandi kaaray.» Adiši a ga hanse ka kan ya ne ya bolsay nda ay gaabi jaŋaa hala Almasihu hinoo ma cindi ay ga.

Galati borey batagaa 4:4

Amma kaŋ alwaatoo too kaŋ kayandi, Irkoy na nga Izʼaroo sanba kate. Woy-boro kʼa daŋ aduɲɲa ra, a hayandi ašariyaa waati

Efez borey batagaa 3:8

Agay kaŋ kacca nda Irkoy boro henanantey kul, anneemaa woo nondi ya ne ka Almasihu gomnoo beeriyanoo kaŋ si hin ka bayrandi ka ben har dumey kaŋ manʼti Alyahuudu se.

Kolos borey batagaa 1:19

A kan Irkoy se nga kul ma tabati a ra.

Kolos borey batagaa 2:3

Nga ra lakkal nda bayray gomney kul tugandi.

Kolos borey batagaa 2:9

Zama nga ra Irkoy na gaaham zaa ka goro nda nga azzaatoo kul.

Timote bataga 1na 3:16

Kakaw sii a ra, Irkoy ganayanoo sirroo ga hanse ka beeri: Irkoy na nga boŋ cebe gaaham ra, nga Hundoo yadda kaŋ a ga šerre, a bangandi almalaykayaŋ se. A waazandi dumiyaŋ se, aduɲɲa ra a naanayandi, a zandi ka huru daržaa ra.

Eberewey batagaa 1:3

Izʼaroo din manʼti kala Irkoy daržaa nereyanoo, nga ti hayaa kaŋ ti Irkoy zaati. A ga haya kul dii nda nga šenni gaabantaa. Waatoo kaŋ a na adamizey henanandi ngi zunubey ra ka ben, a goro Koy Jerantaa kabe gumaa ga beene nongey ra.

Eberewey batagaa 1:5

Koyne mo almalaykey ra, may se Irkoy bay ka nee: «Ay Izʼaroo ti ni, agay ka ni hay hõ»? A mana bay ka nee mo: «Agay, ay ga tee a se baaba, nga, a ga tee ya ne izʼaru.»?

Eberewey batagaa 10:5

Woo maaganda se waatoo kaŋ Almasihu kaa aduɲɲa ra, a nee Irkoy se: «Nʼsi baa sargari, nʼsi baa nooyan, gaaham no ni daŋ ay ga.

Eberewey batagaa 2:11

Boraa kaŋ ga borey jisi jere ga Irkoy se nda borey kaŋ jisandi jere ga Irkoy se kul mana hun kala boro folloku ga. Woo se a si haw ka nee i se nga armey.

Eberewey batagaa 5:5

Takaa din da Almasihu mo mana nga boŋ noo darža ka tee sargari juwalkey jineboro. Amma a duu daržaa boraa do kaŋ šelaŋ a se ka nee: «Ay Izʼaroo ti ni, agay ka ni hay hõ.»

Yehiya bataga 1na 4:14

Ir, ir nka dii a, de ir ga seedetaray tee kaŋ Baabaa Irkoy na Izʼaroo sanba a ma tee aduɲɲa Hallasikaa.

Yehiya bataga 1na 4:9

Hayaa kaŋ nda Irkoy na nga bajoo bangandi ir se manʼti kala a nka nga Izʼaru bajja follokaa sanba aduɲɲa ra hala ir ma duu ka huna nga albarkaa ra.

Yehiya bataga 2to 1:7

Derandikaw boobo kaa aduɲɲa ra. I si yadda kaŋ Isa Almasihu kaa nda gaaham, i sʼa har. Boraa woo dumoo ti derandikaw, nga ti Almasihu iberoo.

Bangandiroo 19:13

Darbay goo jindoo ra kaŋ sufandi kuri ra, maaɲoo manʼti kala «Irkoy meešennoo».

Bangandiroo 21:3

Ay maa jinde beeri foo kaŋ hun kokoy gorodogoo ra ka nee: «Irkoy hukkumoo ne adamizey game. Irkoy ga goro i bande, i ga tee nga jamaa, Irkoy hunday goo i bande [sanda ngi Irkoy].