Yaasawey 9:10 - Songhai de Gao Bible

¹⁰ Ka hunbur Abadantaa ti lakkal šintinoo, ka boro henanantey bay manʼti kala lakkal.

Yaasawey 9:10 ပူးပေါင်းရင်းမြစ်များ

Taarikey 1na 28:9

Haya kaŋ ti ni, ay izʼaroo Sulaymaana, nʼga hima ka ni baabaa Koyoo bay ka boori, mʼa gana nda ni binoo kul nda anniya henna, zama Abadantaa ga borey kul biney neeši, haya kul kaŋ goo boro lakkaloo ra, a gʼa bay. Nda nʼnʼa ceeci, a ga naŋ ma duu nga, amma nda nʼnʼa naŋ, nga mo ga wanji ni ga hala abada.

Ayuba 28:28

Woo banda ga, a nee adamize se: ‹Ka hunbur war Koyoo, woo ti lakkal, ka mooru ifutu, woo ti fahamay!›»

Zaburey 111:10

Ka hunbur Abadantaa ti lakkal šintinoo, boro kaŋ ga nga yaamarey dii ga duu lakkal henna. Nga saaburoo ga bara hala abada.

Zaburey 34:12

Wa kaa, ay izey, wa haŋajer ya ne! Ay ga war dendenandi Abadantaa hunburaa.

Yaasawey 1:7

Ka hunbur Abadantaa ti bayray šintinoo, saama mma lakkal nda hoyray tee yaada.

Yaasawey 2:5

woo ra nʼga faham haya kaŋ ti Abadantaa hunburaa, nʼga duu Irkoy bayraa.

Yaasawey 30:3

Ay mana duu lakkal, ay sii nda henanantey bayraa.

Waazukaa 12:13

Ir ma haŋajer šennoo woo kul benantaa se kaŋ ti: «Ma hunbur Irkoy, ma nga yaamarey dii.» Woo ti haya kaŋ adamize kul ga hima kʼa tee.

Matiyu 11:27

«Ay Baabaa Irkoy na hayey kul daŋ ay kaboo ra. Boro kul si Izʼaroo bay nda manʼti Baabaa Irkoy. Boro kul si Baabaa Irkoy mo bay nda manʼti Izʼaroo, nda boro kaŋ se Izʼaroo baa nga mʼa bangandi.

Yehiya 17:3

Hunayan abadantaa manʼti kala, i ma ni bay, ni, Irkoy follokaa cimikoynoo nda boraa kaŋ nʼnʼa sanba kaŋ ti Isa Almasihu.

Yehiya bataga 1na 5:20

Amma ir ga bay kaŋ Irkoy Izʼaroo kaa, a nʼir noo lakkal hala ir ma Cimikoynoo bay, Cimikoynoo da bande ir goo, maanaa nga Izʼaroo Isa Almasihu. Nga ti Irkoy cimikoynoo, nga ti hunayan abadantaa.