Yaasawey 8:28 - Songhai de Gao Bible

²⁸ waatoo kaŋ a na duulawey deeji beene, waatoo kaŋ hari guusawey tun nda gaabi,

Yaasawey 8:28 ပူးပေါင်းရင်းမြစ်များ

Šintinoo 1:7

Irkoy na farroo tee. A na farroo tee ka beene haroo nda ganda haroo fay. Woo kaŋ a nʼa har tee.

Šintinoo 1:9

Irkoy nee koyne: «Haroo kaŋ goo beenaa se ganda ma marga nongu foo hala daw kogaa ma bangay!» Woo kaŋ a nʼa har tee.

Šintinoo 7:11

Nuhu jiiri zangu idduwantoo (600to) ra, handu hinkantoo jirbi woy cindi iyyantoo (17to) ga, hanoo din, laboo cire guusu beeroo miɲey kul bagu nda hari, beenaa mo miɲey feeri.

Šintinoo 8:2

Laboo cire guusu beeroo miɲey nda beenaa miɲey daabu, de ncirɲoo kay.

Ayuba 26:8

A ga harey daabu nga duulawey ra, duulawey si say ngi tiŋaa cire.

Ayuba 38:16

Ni too hala teekoo hundogoo ra? Ni yaara-yaara teekoo cire?

Zaburey 104:7

Ni zahã i ga, i ga zuru, ni jiŋjiŋyanoo jindoo gʼi zurandi.

Zaburey 146:6

Nga kaŋ na beenaa nda laboo tee, nda teekoo nda haya kul kaŋ goo a ra, nga kaŋ ga laadir hala abada.

Yaasawey 3:19

Lakkal nda Abadantaa na laboo gorandi, fahamay nda a na beenaa daaru.

Yaasawey 8:27

Waatoo kaŋ a na beenaa daaru, ay goo no, waatoo kaŋ a ga hari guusawey kaydogey daŋ,

Yaasawey 8:29

waatoo kaŋ a na teekoo kaydogey daŋ, hala haroo masi bisa nga kaydogoo ga, waatoo kaŋ a na laboo asaasey gorandi,

Matiyu 8:26

A nee i se: «Macin se war ga arkubu, naanaykaccukoyney?» Woo banda ga, a tun, a zahã hewoo nda isabangoo ga, de nongoo kul tee sõy.