Yaasawey 8:18 - Songhai de Gao Bible

¹⁸ Agay do alman nda darža goo, nda gomni kaŋ ga gay, nda šerretaray.

Yaasawey 8:18 ပူးပေါင်းရင်းမြစ်များ

Zaburey 112:3

Alman nda haya henna goo nga hugoo ra, nga šerretaraa ga cindi hala abada.

Zaburey 36:6

Abadantaa, ni borohennataraa ga too beenaa ra, ni laadirtaraa ga too hala duulawey do.

Yaasawey 11:4

Alman si haya kul hanse futay zaari hane, šerretaray no ma boro hallasi buuyan ra.

Yaasawey 24:4

Bayray no ma kate hugoo kuneheroo hugu-izey ma too nda jinay hay šenda henna dumi kul.

Yaasawey 3:16

Aloomur goo nga kabe gumaa ra, alman nda beeray goo nga kabe waawaa ra.

Matiyu 6:33

Haya jinaa kaŋ war ga hima kʼa ceeci manʼti kala [Irkoy] Laamaa nda nga šerretaraa, de hayey wey mo kul ga tontonandi war se.

Luka 10:42

Amma haya folloku ka tilasu. Maryama na baa hennaa zaa kaŋ si hun a kone.»

Luka 12:33

«Wa war arzakaa neere ka hayoo sarga. Wa fortomaaniyaŋ tee war boŋ se kaŋ si žen nda alman kaŋ si ben kaŋ goo beenaa ra kaŋ zay si man a, dusu sʼa ŋaa.

Korent borey bataga 2to 6:10

I gʼir dii sanda boroyaŋ kaŋ biney maray, ka gar waati kul ir ga ɲaali, sanda talkayaŋ, amma ir ga boro boobo tee almankoyni, sanda boroyaŋ kaŋ sii nda baffoo, ka gar ir goo nda haya kul.

Efez borey batagaa 3:8

Agay kaŋ kacca nda Irkoy boro henanantey kul, anneemaa woo nondi ya ne ka Almasihu gomnoo beeriyanoo kaŋ si hin ka bayrandi ka ben har dumey kaŋ manʼti Alyahuudu se.

Filipi borey batagaa 4:19

Ay Koyoo ga war almušakkawey kul hanse nga alman daržantaa ra Almasihu Isa bande.

Žak batagaa 2:5

Wa haŋajer, agʼarmey, ay baakey, Irkoy nka borey kaŋ aduɲɲa gʼi himandi talka suuba kʼi tee naanaykaw beeriyaŋ kʼi tee Irkoy Laamaa tubukawyaŋ kaŋ a na allaahidu zaa borey se kaŋ ga baa nga.

Bangandiroo 3:18

Ay ga ni hoyray, ma wura kaŋ henanandi nuune ra day ay do hala ma tee almankoyni, nda darbay kaarayyaŋ kaŋ ga ni daabu, ni gaa koonoo haawoo masi fatta, nda safari kaŋ ga daŋandi ni moɲey ga hala ma duu ka dii.