Yaasawey 8:17 - Songhai de Gao Bible

¹⁷ Agay, ay ga baa borey kaŋ ga baa agay, borey kaŋ gʼay ceeci ga duu agay.

Yaasawey 8:17 ပူးပေါင်းရင်းမြစ်များ

Taarikey 2to 34:3

Nga laamaa jiiri yaahantoo ra, ka gar a ga zanka, a šintin ka Irkoy, nga baabaa Dawda Koyoo ceeci. Nga laamaa jiiri woy cindi hinkantoo (12to) ra, a na Žuda, nda Žerizalem henanandi ka tooru ganadogey, nda Ašera bundu toorey, nda tooru assuurawey, nda toorey kaŋ teendi nda guuru mennante kaa i ra.

Zaburey 91:14

Irkoy nee: «Zama de a na nga boŋ haw ay ga, woo se ay gʼa soolam, ay gʼa sutura, zama a gʼay maaɲoo bay.

Yaasawey 1:28

Waatoo din i ga ciya ya ne, amma ay si tuuru, i gʼay ceeci, amma i si duu agay.

Yaasawey 2:4

nda nʼgʼa ceeci sanda nzorfu kaaray, nda nʼgʼa ceeci sanda alman,

Yaasawey 2:5

woo ra nʼga faham haya kaŋ ti Abadantaa hunburaa, nʼga duu Irkoy bayraa.

Yaasawey 4:6

Masʼa naŋ, a ga ni hawgay, bagʼa, a ga ni hallasi.

Yaasawey 8:16

Agay albarkaa ra jineborey ga goro hinoo ra, nda boŋkoyney, maanaa laboo ciitikey kul.

Waazukaa 12:1

Hongu ni Takakaa ni soogataray waatoo ra za bone zaarey mana kaa, jiirey ma kaa kaŋ ra nʼga nee: «Ay si maate kaani kul.»

Matiyu 6:33

Haya jinaa kaŋ war ga hima kʼa ceeci manʼti kala [Irkoy] Laamaa nda nga šerretaraa, de hayey wey mo kul ga tontonandi war se.

Marku 10:14

Waatoo kaŋ Isa dii woo, a futu ka nee i se: «Wa zankey naŋ i ma kaa ay do, war masʼi ganji, zama borey kaŋ ga hima nda ey wane nda Irkoy Laamaa.

Yehiya 14:21

Boro kaŋ kone ay yaamarey goo, de a nʼi dii, nga no ma baa agay. Boro kaŋ ga baa agay, ay Baabaa Irkoy ga baa boraa, ay ga bagʼa, de agay hunday gʼay boŋ bayrandi a se.»

Yehiya 14:23

Isa zaabi ka nee a se: «Boro kaŋ ga baa agay, a gʼay šennoo dii. Ay Baabaa Irkoy ga bagʼa. Ir ga koy a do, ir ga gorodoo tee a do.

Yehiya 16:27

zama Baabaa Irkoy hunday ga baa war, zama war baa agay, de mo war, war naanay kaŋ agay, ay mana hun kala Irkoy do.

Yehiya 5:4

Zama ir Koyoo almalayka foo no ma zunbu bangoo ra, waati ka kaa waati ka haroo guzuguzu, de boro jinaa kaŋ ga doo haroo ra guzuguzuyanoo banda ga, ga duu baani, a ma tee wirci dumi kul kaŋ goo a ga.]

Yehiya 7:37

Zaari kokorantaa hane, jingaroo zaari beeroo, Isa tun ka kay ka kaati ka nee: «Boro kaŋ ga jaw, a ma kaa ay do ka haŋ.

Žak batagaa 1:5

Nda boro goo war ra kaŋ sii nda lakkal, a mʼa wiri Irkoy ga kaŋ ga borey kul noo nda kabedoonay bila citi, a gʼa noo a se.

Yehiya bataga 1na 4:19

Ir, ir ga baa boro, zama Irkoy ka jin ka baa ir.

Samiyel 1na 2:30

Woo maaganda se agay Abadantaa, Izirayel Koyoo ka šelaŋ ka nee: ‹Ya nka kayandi kaŋ ni hugoo borey nda ni baabaa hugoo ga cindi ay sargari juwalkawtaraa ra hala abada.› Amma sohõ agay Abadantaa ka šelaŋ ka nee: ‹A ben. Zama borey kaŋ gʼay beerandi, ay gʼi beerandi, wey kaŋ gʼay kaynandi ga kaynandi.