Yaasawey 8:15 - Songhai de Gao Bible

¹⁵ Agay albarkaa ra kokoyey ga laama, boŋkoyney ga ašariya šerranteyaŋ kaataray.

Yaasawey 8:15 ပူးပေါင်းရင်းမြစ်များ

Kokoyey 1na 10:9

Albarka ma bara Abadantaa, ni Koyoo se, kaŋ ni kan a se, a na ni gorandi Izirayel fuulaa ra, zama a ga baa Izirayel hala abada. A na ni tee kokoy hala ma goy nda cimi nda šerretaray.»

Kokoyey 1na 3:28

Izirayel kul maa ciitoo kaŋ kokoyoo nʼa dunbu, i hunbur kokoyoo, zama i dii kaŋ Irkoy lakkaloo nda a ga ciiti.

Kokoyey 1na 3:9

Woo ga, lakkal noo ni tamoo se, hala a ma ni jamaa juwal ka boori, ka ihenna nda ilaala kaa cere ra. Nda manʼti woo, may no ma hin ka ni jamaa beeroo juwal?»

Kokoyey 1na 5:7

Gofornerey no ma kokoyoo Sulaymaana nda borey kul kaŋ ga goro nga ŋaadogoo ra ŋaahayaa ceeci ka kate a i se. Goforner foo kul gʼa tee handu foo jiiroo ra. I si naŋ haya kul ma kuma.

Taarikey 1na 28:5

Abadantaa nʼay noo mo ize boobo, amma ay izʼarey kul ra, a nʼay izoo Sulaymaana suuba kʼa gorandi Abadantaa kokoytaraa ra Izirayel boŋ.

Taarikey 2to 1:10

Adisi ay noo lakkal nda bayray hala ya takaa bay kaŋ nda ay ga dira jamaa woo jine. Nda manʼti woo, may no ma hin ka ni jamaa beeroo juwal?»

Taarikey 2to 1:11

Irkoy nee Sulaymaana se: «Zama de woo ti hayaa kaŋ goo ni binoo ra, mana alman wiri, wala arzaka, wala darža, wala ni iberey buuroo, mana ba aloomur wiri, lakkal nda bayray no nʼnʼi wiri hala ma duu kʼay jamaa juwal kaŋ se ay na ni tee kokoy.

Zaburey 2:10

Sohõ, kokoyey, wa duu lakkal! Aduɲɲa ciitikey, wa yadda hoyray!

Zaburey 99:4

I ma Kokoyoo kaŋ ga baa šerretaray hinoo mo saabu. Ni no ma cimoo tabatandi, ni no ma cimi nda šerretaray tee Yakuba borey ra.

Yaasawey 29:4

Kokoy, šerretaray nda a ga nga gandaa tabatandi, amma woo kaŋ ga alkaasi futu daŋ i ga, mmʼa kayri.

Yaasawey 8:16

Agay albarkaa ra jineborey ga goro hinoo ra, nda boŋkoyney, maanaa laboo ciitikey kul.

Matiyu 28:18

Isa man ey, a šelaŋ i se ka nee: «Hini timmante nondi ya ne beenaa nda laboo ga.

Rom borey batagaa 13:1

Boro foo kul ma yee hinoo cire kaŋ goo a boŋ, zama hini sii no kaŋ manʼti Irkoy do a hun, wey kaŋ ga bara mo, Irkoy kʼi gorandi.

Bangandiroo 19:11

Woo banda ga, ay dii beenaa feeri, nga ne, bari kaaray foo ne, boraa kaŋ goo a boŋ [maaɲoo] ti Laadirantaa nda Cimikoynoo. A ga ciiti, a ga wongu nda šerretaray.

Bangandiroo 19:16

Nga darbaa nda ceehamoo, maa foo hantumandi i ga kaŋ ti «kokoyey Kokoyoo, koyey Koyoo».

Samiyel 1na 16:1

Abadantaa nee Samiyel se: «Hala waati foo no ni binoo ga hẽe ka ben Sawul misoo se? Agay, ay wanji a ga, a si yee ka tee Izirayel se kokoy. Ni hilloo too nda jii ma koy. Ay ga ni sanba Yišay, Betelehem boraa do, zama ay dii kokoy nga izʼarey ra ya ne.»

Samiyel 1na 9:17

Samiyel dii Sawul, Abadantaa nee a se: «Boraa ne kaŋ ay nʼa har ma ne. Nga no mʼay jamaa laama.»