Yaasawey 8:13 - Songhai de Gao Bible

¹³ Ka hunbur Abadantaa manʼti kala ka konna ifutu, boŋ beerandi, nda bolsay, nda fondo futu, nda deenebeeray, wey, ay ga konna ey.

Yaasawey 8:13 ပူးပေါင်းရင်းမြစ်များ

Ayuba 1:1

Aru foo cindi Utus gandaa ra kaŋ maaɲoo ti Ayuba. Aroo woo manʼti kala boro kaŋ ga laadir a ga šerre, a ga hunbur Irkoy, a ga nga boŋ moorandi ifutu.

Ayuba 28:28

Woo banda ga, a nee adamize se: ‹Ka hunbur war Koyoo, woo ti lakkal, ka mooru ifutu, woo ti fahamay!›»

Zaburey 101:3

Ay si haya futu kul daŋ ay moɲey cire. Ay ga konna teegoy laaley kaŋ borey kaŋ hun fondaa boŋ gʼi tee, i masi man agay.

Zaburey 119:104

Ni hayey kaŋ nʼnʼi har gʼay noo lakkal, woo se ay ga konna taari fondo kul.

Zaburey 119:128

Woo se, ay ga hayey kul dii šerrante kaŋ nʼnʼi har, ay ga konna taari fondo kul.

Zaburey 138:6

zama Abadantaa jerandi, amma a ga dii borey kaŋ yeetandi ganda, nda hundi beerey, a gʼi bay nongu mooro ra.

Zaburey 97:10

War kaŋ ga baa Abadantaa, wa konna ifutu! A ga nga ganakey hunaroo hawgay, a gʼi kaa boro laaley kabey ra.

Fattaroo 1:17

Amma hayandikey ga hunbur Irkoy, i mana hayaa tee kaŋ Misira kokoyoo nʼa har i se. I na zankaarey naŋ i ma huna.

Yaasawey 10:31

Lakkal ga duwandi boro šerrante miɲoo ra, boro kaŋ ga šenni šiirandi deenoo ga dunbandi.

Yaasawey 15:9

Abadantaa ga konna boro futu fondaa, a ga baa boro kaŋ ga hanga šerretaray.

Yaasawey 16:18

Binebeeray banda ga, halaciyan ga kaa, bolsay banda ga, kaŋyan ga kaa.

Yaasawey 16:5

Binebeeritaray kul manʼti kala almuhal Abadantaa do, šikka kul sii kaŋ a si goro a mana zukandi.

Yaasawey 16:6

Borohennataray nda cimi ga kate laybu ma yaafandi, Abadantaa hunburaa ga kate boro ma mooru ifutu.

Yaasawey 3:7

Masi ni boŋ dii lakkalkoyni, hunbur Abadantaa, ni boŋ moorandi ifutu.

Yaasawey 4:24

Ni miɲoo moorandi taari, darga šenni moorandi ni ga.

Yaasawey 6:12

Boro yaamu, goy futu teekaw no, a mma yaara de ka taari.

Rom borey batagaa 12:9

Almunafikitaray masi bara baji ra. Wa konna ifutu, wa gaabandi ihenna ga.

Tesalonik borey bataga 1na 5:22

Wa mooru ifutu dumi kul.

Timote bataga 2to 2:19

Woo kul, Irkoy asaasu gaabantaa ga cindi. Silbaa kaŋ goo asaasoo ga: «Ir Koyoo ga borey bay kaŋ ti nga wane.» Silbay faa mo ti: «Boro kul kaŋ ga Irkoy maaɲoo cee, boraa ma mooru goy futu.»

Piyer bataga 1na 5:5

Takaa din da, war mo soogey, wa yee ganda boro beerey se. War nda cere, war kul ma boŋ-yeeti-gandayan tee sanda darbay, zama Citaaboo nee: «Irkoy ga binebeerey gandu, amma a ga alhormo tee borey se kaŋ ga ngi boŋ yeeti ganda.»

Samiyel 1na 2:3

Wa fay nda bolsay šenni, fooma šenni kul masi hun war miɲey ra. Zama Abadantaa manʼti kala Koy kaŋ ga haya kul bay, nga no ma teegoyey kul neeši.