Yaasawey 8:12 - Songhai de Gao Bible

¹² «Agay, lakkal, agay nda fahamay no ma goro nongu foo, ay ga takaa bay kaŋ nda lakkalkoyni miilewey ga duwandi.

Yaasawey 8:12 ပူးပေါင်းရင်းမြစ်များ

Kokoyey 1na 7:14

Hiram manʼti kala woy foo kaŋ ti Neftali alkabiilaa boro kaŋ kurɲoo buu izʼaroo, baaboo ti Tir boro, alhan goykaw no. A goo nda lakkal, nda fahamay, nda bayray ka goy dumi kul tee alhan ra. A kaa kokoyoo Sulaymaana do ka nga goyey kul tee.

Taarikey 1na 28:12

Haya kul kaŋ goo lakkaloo ra Abadantaa hugoo here: haya kaŋ ti batumawey kaŋ goo jeroo ga, nda Abadantaa almanoo jisidogey, nda haya henanantey jisidogoo, a nʼi kul fasaloo tee kʼa noo a se.

Taarikey 1na 28:19

Dawda nee: «Abadantaa hunday kaboo ka hayey wey hantum, hala goy kul kaŋ ga teendi ma teendi ka sawa nda woo kul kaŋ a nʼa bayrandi ya ne.»

Taarikey 2to 13:14

Žuda borey ɲeli, i dii kaŋ ngi diyandi jine nda banda. I kaati ka Abadantaa cee, sargari juwalkey ga laati beerey kar.

Zaburey 104:24

Abadantaa, ni teegoyey ga boobo! Nʼnʼi kul tee nda lakkal, laboo ga too nda hayey kaŋ nʼnʼi tee.

Fattaroo 35:30

Musa nee Izirayel borey se: «Wa guna, Abadantaa na Besalel cee nda nga maaɲoo, Uri izʼaroo no, Hur haamaa, Žuda alkabiilaa boro no.

Yaasawey 1:4

ka boŋbiyey carmandi, ka aru sooga noo bayray nda miileyan.

Yaasawey 8:5

Boŋbiyey, wa caram, lakkal jaŋantey, wa duu lakkal!

Rom borey batagaa 11:33

Irkoy gomnoo beeriyanoo, nda nga lakkaloo, nda nga bayraa ga hanse ka guusu. Nga ciitey si neešandi, nga fondawey si hin ka fahamandi.

Efez borey batagaa 1:11

Almasihu albarkaa ra ir duu ir bagaa tuboo, ir kaŋ a bay kʼir kayandi ka sawa nda Irkoy dunbandiroo. Nga da no ma haya kul tee ka sawa nda woo kaŋ a nʼa kayandi nga ibaayoo ra,

Efez borey batagaa 1:8

A hanse ka anneemaa woo boobandi ir se nda lakkal nda fahamay dumi kul.

Efez borey batagaa 3:10

hala Egilizoo bande sohõ Irkoy lakkaloo kaŋ ga dumi-dumi, a ga waaniwaani ma cebandi hini nda gaabey se kaŋ goo beenaa nongey ra.

Kolos borey batagaa 2:3

Nga ra lakkal nda bayray gomney kul tugandi.