Yaasawey 6:6 - Songhai de Gao Bible

⁶ Fuyyantaa, koy ntandaa guna, koy nga takaa guna ma duu lakkal.

Yaasawey 6:6 ပူးပေါင်းရင်းမြစ်များ

Yaasawey 1:17

Zama yaada ti ka kumsay hirri haya kul kaŋ goo nda fata moɲey cire.

Yaasawey 10:26

Sanda takaa kaŋ binegar gʼa tee hiɲe se nda dullu moo se, takaa din da ti fuyyante boro kaŋ gʼa donto se.

Yaasawey 10:4

Boro kaŋ kaboo si cahã goy ra ga kate nga boŋ ga talkataray, boro kaŋ kaboo ga cahã goy ra ga duu alman.

Yaasawey 13:4

Fuyyante ga haya boobo boonay, amma a si duu ey, borey kaŋ ga gaabandi goy ra ga huna daame ra.

Yaasawey 15:19

Fuyyante fondaa ga hima nda kali kaŋ teendi nda karji, boro šerrantey fondaa manʼti kala fondo kaŋ kanandi ka boori.

Yaasawey 18:9

Boro kaŋ ga nga kaboo yaynandi nga goyoo ra, nga nda hasarante kul ti affoo.

Yaasawey 19:15

Fuyyantetaray mma boro kaŋandi jirbi koma ra, boro kaŋ si haya kul tee, heray gʼa farandi.

Yaasawey 19:24

Fuyyante ga nga kaboo daŋ taasaa ra, amma a si hin kʼa ka too nga miɲoo do.

Yaasawey 20:4

Hargu maaganda fuyyante si beeri, hegaa waati, a ga haya wiri, amma a si duu baffoo.

Yaasawey 21:25

Hayey kaŋ fuyyante ga boona ey no mʼa wii, zama kabey ga wanji ka goy.

Yaasawey 22:13

Fuyyante mma nee: «Ganjihayla goo taraa ra, a gʼay wii farroo ra!»

Yaasawey 23:19

Ni, ay izʼaroo, haŋajer ma duu lakkal, ni binoo hangandi fondaa.

Yaasawey 30:24

Haya taaci goo laboo ga kaŋ ga kacca, amma i goo nda lakkal beeri:

Yaasawey 30:25

ntandawey, i manʼti kala dumi kaŋ sii nda gaabi, i ga ngi meehunaa soolu kʼa jisi kaydiyaa waati.

Yaasawey 6:9

Fuyyantaa, hala waati foo nʼga cindi ka kani? Hala waati foo no nʼga tun ni jirboo ra?

Matiyu 25:26

Nga koyoo nʼa zaabi ka nee: ‹Tam laala fuyyantaa, nʼga bay kaŋ ay ga hegay nongu kaŋ ra ay mana duma, ay ga marga nongu kaŋ ra ay mana saya.

Matiyu 6:26

Wa beenaa cirawey guna: i si duma, i si hegay, i si taasu fanji, amma war Baabaa Irkoy kaŋ goo beenaa ra gʼi ŋandi, de war, war mana bisa ey wala?

Rom borey batagaa 12:11

Wa gaabandi war masi tee fuyyanteyaŋ. Wa war lakkaley kul daŋ ir Koyoo se. Wa goy a se.

Eberewey batagaa 6:12

Hala war masi duu ka fuyye, amma war ma borey denden kaŋ naanay, i suuri, de i duu tuboo kaŋ allaahidoo zandi i se.