Yaasawey 6:23 - Songhai de Gao Bible

²³ Zama yaamaroo manʼti kala fitilla, cawandoo manʼti kala gaay, kašetawey nda aladaboo ti hunayan fondaa.

Yaasawey 6:23 ပူးပေါင်းရင်းမြစ်များ

Šintinoo 39:8

A wanji, de a nee a se: «Guna, ay koyoo si haya kul bay nga hugoo se, hayey kul a manʼi daŋ kala ay kaboo ra.

Zaburey 119:105

Ni meešennoo manʼti kala fitilla ay cewey cire, gaay no ay fondaa se.

Zaburey 119:130

Ni šennoo fahamyanoo ga boro noo gaay, a ga boŋbiyey noo lakkal.

Zaburey 141:5

Nda boro šerrante nʼay kar, gomni no, nda a kašeta ay ga, jii no kaŋ goo ay boŋoo ga. Ay boŋoo si wanji a, ay ŋaarayroo ga duu ifutu ga fondo.

Zaburey 19:8

Abadantaa ašariyaa ga timme, a ga albarkaa daŋ boro ra. Abadantaa seedetaraa ti cimi, a ga boŋbii noo lakkal.

Yaasawey 10:17

Boro kaŋ ga hoyray dii ga hunayan fondaa zaa, boro kaŋ ga dirɲa šenni kaŋ nda i nʼa teje, ga dere.

Yaasawey 15:24

Lakkalkoyni si hanga kala hunayan fondaa kaŋ ga koy beene, ka hun alaahara fondaa ra kaŋ goo ganda.

Yaasawey 15:31

Haŋa kaŋ ga maa hoyray se kaŋ ga hunayan noo, boraa dogoo goo lakkalkoyney ra.

Yaasawey 29:15

Gobu nda ka boro daŋ fondaa ra ga lakkal noo, zanka kaŋ taŋandi ga nga ɲaa hawandi.

Yaasawey 3:18

Tuuri no kaŋ ga hunayan noo boro se kaŋ nʼa dii, boro kaŋ gaabu a ga duu gomni.

Yaasawey 4:13

Gaabandi hoyray bande, masʼa naŋ, gaabu a ga, zama nga ti ni hunaroo.

Yaasawey 4:4

Ay baabaa gʼay cawandi, a nee ya ne: «Ni binoo ma gaabu ay šenney ga. Ay yaamarey dii, ma huna.

Yaasawey 5:12

de nʼga nee: «Taka foo nda ay konna hoyray? Taka foo nda ay binoo hin ka tejeyaney kaynandi?

Waazukaa 7:26

Ay dii haya kaŋ ga hottu nda buuyan: woy kaŋ manʼti kala kumsay, binoo manʼti kala sankay, kabey ti karfu. Boro kaŋ ga kan Irkoy se ga hun a ra, amma zunubantey ga kaŋ kaboo ra.

Waazukaa 7:5

Boro ma haŋajer lakkalkoyni tejeyaney se baa boro ma haŋajer lakkal jaŋantey doonoo se.

Sargarey 19:17

Masi ni armaa harram ni binoo ra. Masi goro mana ni gandaa boro daŋ fondaa ra, nga ra nʼsi nga zunuboo zaa.

Piyer bataga 2to 1:19

Koyne mo ir ga felle annabey šennoo ga kaŋ ga war goo nda cimi ka war moɲey kanji a ga sanda fitilla kaŋ ga dii nongu kubayante ra hala moo ma boo, de subbaahi handaraa ma kay war biney ra.

Bangandiroo 2:5

Hongu nongoo kaŋ ra ni kaŋ, ma tuubi, ma ni cee jinaa teegoyey tee. Nda mana tuubi, ay ga kaa ni do ka ni fitilla gorodogoo kaa dogoo ra.